Accessibility links

сишәмбе, 6 декабрь 2016, Казан вакыты 03:50

İsrael tankları Gaza sızığındağı Rafah qaçaqlar lagerenä kerde: 8 fälestinle hälak buldı


İsrael ğaskärläreneñ Gaza sızığınıñ könyağındağı qaçaqlar lagerenä kerep tikşerülär uzdıruı näticäsendä 8 fälestinle hälak buldı, kimendä 30zı yaralandı. Rafahqa 20gä yaqın İsrael tankı kergän di şaxitlär.

Xärbi köçlär wäkile xäbär itüençä älege çara Misırdan qoral kiterergä qullanılğan cir astı yulların yuq itü öçen oyıştırılğan bulğan. Ämma fälestin tışqı eşlär ministrı Nabil Shaath bu çaranı "cinäyät" dip atadı. "Şaron äfände tınıçlıq turında söylägändä, "tınıçlıq yulı" plannarın tormışqa aşıtu kiräklege turında söylägändä Rafahqa yasalğan höcüm – oyatsız räweştä qılınğan agressiä häm cinäyät bulıp tora" dide Fälestin ministrı.

Misır tışqı eşlär ministrı Ahmed Maher , kiçä aña Yerusalimda yasalğan höcüm, Misırnıñ İsrael belän Fälestinnär arasında tınıçlıq urnaştıru tırışlıqların tağın da arttıraçaq, dip belderde. Kiçä Yerusalimnıñ al-Aqsa mäçetendä namaz qılğanda radikal dinçelär Maherğa qul küterde häm aña taba ayaq kiemnären attı. Añarçı Maher İsrael premyer-ministrı Ariel Şaron belän oçraşqan ide. Bügen Fälestin wäkilçelege kiçäge xällärgä ğafu ütener öçen Qahirägä kitte.

XS
SM
MD
LG