Accessibility links

Кайнар хәбәр

«Azatlıq» radiosınıñ interent säxifäse «Tatnet yoldızları» bäygesendä ciñde.


«Tatnet yoldızları» bäygesendä ciñüçelärne yaña yl aldınnan bäyräm kötä. İñ osta internet säxifälären yasağan keşelärne büläkläw 27nçe dekabergä bilgelängän. İnternetnıñ tatar öleşen barlaw, östenlekle häm citeşmägän yaqların bilgeläw omtılışı, berençe tapqır Qazanda, cäyge aylarda ütkän seminar-kiñäşmädä yasaldı. Şunıñ belän bergä, iñ yaxşı tatar säxifäsen bilgeläw maqsatında bu «Tatnet yoldızları» bäygesen ütkärü turında da iğlan itelde. 2003yılnıñ 1nçe aprelendä bu bäygedä qatnaşırğa teläweçlärdän ğarizalar qabul itelä başladı, avgust başında ul tämamlandı. Törle säbäplär arqasında näticälärne bilgeläw kiçekterelep bardı. İnde nihayät «Tatnet yoldızları» bäygese axırına yaqınlaşırğa tora. Dekaberneñ 20sendä Ekspertlar şurası, bäygedä qatnaşuçılarnı 12 törkemgä bülep eşlären qaradı häm ciñüçelärne bilgeläde. Şulay itep, elektron mäğlümat çaraları arasında iñ yaxşısı itep – Tatarstan yäşläre gäziteneñ saytı tabıldı. Kurilça- tatarça yasalğan saytlar arasında «Mäğrifät» jurnalınıñ internet-säxifäse ciñde. Latinça- tatarça säxifälär arasında, 1nçe urın – «Azatlıq» radiosınıñ internet saytına birelde.

Tatar oyışmalarınnan, Bötendönya tatar kongressınıñ saytı - iñ yaxşısı bulıp çıqtı. Yäşlär oyışmaları arasında, Mäskäw Tatar Studentları Berdämlegeneñ interent säxifäse berençelekne yawladı. Bu bäygedä ciñüçe saytlar häm alarnı yasağan millättäşlärebez turında, kiläçäktä, «Azatlıq» radiosında, maxsus tapşırularda söylärgä wäğdä birep qalabız.

Bikä Timerova.
XS
SM
MD
LG