Accessibility links

дүшәмбе, 5 декабрь 2016, Казан вакыты 19:52

Saddamnıñ qulğa alınuınnan soñ Bushnıñ reytıngı arttı


Äle ber niçä ay elek kenä prezident G.Bush Ğıraqtağı xaos, AQŞ iqtisadınıñ körçekkä terälewe säbäple yañadan saylanu şansı ällä ni yuq kebek kürenä ide.Ämma dä läkin yıl tämamlanğanda kötelmägändä Ğıraqtan yaxşı xabärlär kilä başladı , ekonomikada canlanu kürenä häm küpläp üterü qoralların cäyelderüne tuqtatuda uñışlağa ireşelde.

Prezident G.Bush bıyıl raştua büläklären aldanraq aldı. Fiker beleşü reytinglarında şaqtıy ğına töşkännän soñ, Saddamnıñ qulğa alınuı belän xällär üzgärep kitte .Köz aylarında Ğıraqtan kilep torğan naçar xabärlär häm ekonomika turındağı naçar prognozlardan soñ noyäberneñ 12ge fiker beleşüdä amerikannarnıñ 45% Bush säyäsäten yaqlamıybız dip belderde. Ämma ber ay soñraq saqallı , ciñelgän sıyfatlı Saddam räsemnäre gazet, televidiä ekrannarın tutırğannan soñ şuluq oyışmanıñ ütkärgän fiker beleşüdä Bushnı raslawçılar prosentı 63% kütärelde. Älbättä bu artışqa AQŞ iqtisadı 3.çirektä 8%qa üste digän xabär dä täsir itkänder. Şulay itep G.Bush möddäte tulğanda 83nçe yılda R.Reagnnan soñ ber genä prezidentnıñ da almağan yuğarı reitinq aldı.Atası Bush, 41%alıp 1992nçe yılda saylawlarnı yuğalttı. 96nçe yılda ikençe möddätkä saylanğan B.Clinton reytinğı 50% ide yıl tämamlanğanda. Cato institutında Amerika säyäsäte belgeçe Patrick Basham süzlärençä(audio) Bush yılnı bik yuğarı tämamlıy.Sonğı 2-3 atna anıñ öçen bik yaxşı buldı. Äle küptän tügel genä xällär bik yaman dip äytmäsäm dä bik yk açıq tügel ide.Närsä bulaçağın äytü qıyın ide . Bush adminsitratsiäse milli iminlek, iqtisad plannnarnıñ yaxşı eşläwen äytä ala. Yäkşämbedä administratsiä al Qaida AQŞqa qarşı yaña terror höcüme planlaştıra dip kisätsä dä, Waşington terrorğa qarşı suğışını qazanaçaq , Ğıraqta bulğan kebek konkret näticälär kürü öçen waqıt kiräk dip ameriknnarnı künderergä tırıştı.Süzçe McClellan (audio) bez al Qaida citäkçelegeneñ öçtän ikesebn yuq ittek, bu zur uñış ,Ämma suğış däwam itä , Terrorğa qarşı suğışnı qazanu häm11nçe sintäber kebek eşlräne buldırmaw öçen in yaxşı yul doşmanğa qarşı suğışu, Administratsiä näk şunı eşli, Amerikannar bu süzlärgä ışanalar kebek kürenä.Saddamnıñ qulğa alınuınnan elek fiker beleşüdä Bush 50% häm demokratlarnıñ aldınğı kandidatı Howard Dean 46% tarafınnan yaqlana ide. Ämma Saddamnıñ qulğa alınuınnan soñ Bush reitinğı 60 kütärelde, Deannıqı 37% töşte. Howard Dean äle dä Ğıraqnı okupatsiäläw yäki Saddamnı qulğa alu AQŞnı iminräk xälgä kitermäde digän retorika alıp bara. Äle 2 ay ğına elek amerikannarnıñ zur öleşe Dean belän kileşep, Suğış kiräksez ide digän fikerdä bulsa , sonğı fiker beleşü fikre soralğannarnıñ 55% tülängän bäyä yuğarı bulsa da , suğış kiräk ide dip äytä. Suğış başlanğannan birle AQŞnıñ 462 koalitsiä köçläreneñ 79 soldatı häläk buldı. Kiçä NYT gazetasında tanılğan jurnalist William safire Ğıraq suğışı totrıqsız rejimnarnıñ säyäsäten üzgärtügä kiteräçäk digän adminsitratsiäneñ argumentı döres buluğa oşıy dip äytep, Liviä,İrannı ürnäk itep kürsätte Ämma küp kenä analitiklar Liviäneñ fikren üzgärtüenä sanskiälär häm yıllarça däwam itkän sabırlı diplomatiä säbäp buldı dip belderä.Reagan administratsiäsendä milli iminlek kiñäşçese, Michigan universitetı prof. Raymond Tanter Safire fikre belän kileşä . Ul Saddamnı bärep töşerü başqa diktatorlarnıñ da yulın üzgärtügä kiteräçäk digän fikerne yaqlıy. G.Bush Fiker belşülärdä yuğarı reytinglar alsa da, anın aldına ozın yul bar äle . Säyäsi tikşerenülär instituınnan Phyllis Bennis 2004nçe yılğı saylaw aldı kampaniäsendä xäterdä qalğan eşlär tügel ä Ğıraqtağı wazğiät rol uynayaçaq dip söyli. Phyllis xanım Saddamnı qulğa alu eşe tiräsendä qupqan tuzan basılaçaq , yaña yılda Ğıraqta ğıysyan dewam itäçäk ä bälkim dä Waşingtonnıñ iyüldä xakimiätne ğıraqlılarğa tapşıru ımtılışu köç qullanunı arttıraçaq, Saddamnan qotılu, problemalarnı xäl qılmağanın amerikannar añlayaçaq dip söyli. Belgeç Bushnıñ reytinğı waqıtlıça ğına kütärelgän dip qarıy.

färidä xämit,praga
XS
SM
MD
LG