Accessibility links

шимбә, 10 декабрь 2016, Казан вакыты 23:32

Qıtay Taiwan faydasına eşlägän 33 şpionnı qulğa aldı


Qıtay iminlek xezmätläre 24 Taiwan häm 19 Qıtay keşesen – Qıtayda Taiwan faydasına küzläw eşläre başqaruda ğayepläp qulğa aldı.

Qıtaynıñ Xinhua mäğlümat agentlığı bu xaqta saran ğına mäğlümät birde. Xäbärdä - "qulğa alınğannar barısı da cinäyät qıluların tanıdı häm iminlek departamentına üzlärenä qarata yaxşı mönäsäbät kürsätüläre öçen räxmät belderä" dielä.

Pekindağı Taiwan Säwdä Palatası prezidentı Hsieh Kun-tsung, älege xäbärneñ säwdägä tä'sire bulmayaçaq, dip belderde: "Taiwan säwdäsenä bu tä'sir itmäyäçäk. Ägär dä kemder mondıy eşçänlekkä qatnaşmağan ikän – dimäk qurqası äyber yuq. Qayber keşelärneñ problemaları böten Taiwan eşquarlarına da qağılmıy. Alar ni eşlägännären belä – qanunnı bozuçılar qulğa alınırğa tieş" dide Taiwan eşmäkäre.

Qıtayda 1949nçı yılda watandaşlar suğışı tämamlandıp Taiwan Qıtaydan ayırılğannan birle Pekin belän Taipei ber berse östennän küzläw eşlären däwam itte. Qıtay Taiwannı üz provinsiäse dip sanap kilde häm Taiwan bäysezlek iğlan itkän xäldä 23 million xalqı bulğan bu provinsiägä höcüm itäçäge turında belderde.

XS
SM
MD
LG