Accessibility links

дүшәмбе, 5 декабрь 2016, Казан вакыты 17:43

Ukraina parlamentı prezidentnı parlament tarafınnan saylaw turındağı qanun ölgesen berençe tawış birüdä xupladı


Ukraina parlamentı konstitutsiägä prezident saylawları turındağı qanunğa üzgäreşlär kertüne älegä berençe tawış birüdä rasladı. 450 keşelek Yuğarı Radanıñ 276 deputatı Ukraina prezidentınıñ xalıq tarafınnan tügel, ä parlament tarafınnan saylanuın xuplap tawış birde. Tawış birü – qul kütärep oyıştırıldı, elektron saylaw sisteması kiçä watılğan bulğan.

Bu mäs'älä tağın ber tapqır tawışqa quylıçaq, anda inde üzgäreşlär ğamälgä kersen öçen anı deputatlarnıñ öçtän ike öleşe xuplarğa tieş bulaçaq. İkençe tapqır tawış birü waqıtı älegä bilgelänmägän.

Bu täqdimne prezident Leonid Kuçmanıñ xakimiäte başlığı Viktor Medvedçuk yasadı. Ukrainada prezident saylawları kiläse yılnıñ üktäbr ayına bilgelängän. Xäzerge konstitutsiä prezidentlıqqa öçençe möddätkä saylanunı tıya. Oppozitsiä Kuçmanı mondıy yul belän möddäten ozaytırğa tırışuı öçen täñqitli.

XS
SM
MD
LG