Accessibility links

якшәмбе, 11 декабрь 2016, Казан вакыты 16:57

BMO gruzin-abxaz nizağına iqtibar cälep itergä tırışa, Gruziäneñ waqıtlı prezidentı Mäskäwdä


BMO İminlek Şurasındağı möhim illärneñ iqtibar itmäwe säbäple, Dönya Oyışmasınıñ Gruziä belän Abxaziä arasında tınıçlıq urnaştıru tırışlıqlarında alğa kiteş bulmadı.BMO general sekretarınıñ tınıçlıq urnaştıru mäsäläsendäge yardämçese Azatlıqqa birgän ängämäsendä Gruziäneñ yaña citäkçelege belän Rusiä arasındağı mönäsäbätlärne küzätep baruın belderde. Gruziäneñ waqıtlı prezidentı Burjanadze bugen Mäskäwdä Putin belän oçraştı.

Gruziäneñ waqıtlı citäkçelege belän berençe bulıp oçraşqan xalıqara räsmilärneñ berse BMOnıñ tınıçlıq saqlaw mäsäläsendäge citäkçese Jean Marie Guehenno buldı.BMO distä yıl däwam itkän Gruziä- Abxaz konfliktında xalıqara aradaşçı bulıp torsa da, ul gruziäneñ qayber räsmiläre tarafınnan politik protsessta aqırın xäräkät itä dip tänqitlänä. BMO general sekretarınıñ tınışlıq saqlaw mäsäläsendäge yardämçese Jean Marie Guenhenno äle bu aralarda ğına Azatlıq xabärçesenä birgän ängämäsendä (audio) Bez älege mizgeldä Gruziäne säyäsi, xalıqara köntätibenä quyu häm İminlek Şurasındağı möhim zur illärneñ xäl çarası tabu öçen tırışuları zarur dip uylıybız. Üzlären Gruziäneñ dustı dip atağan İminlek Şurasındağı ber törkem illär politik söyläşülärne tizlätüdä rol uynıy. Ütkän yılda törkem Britaniä, AQŞ häm Rusiädän yuğarı däräcädäge wäkillärneñ Jenevağa kilüenä ireşte.Alar Gruziä belän Abxaziä arasında ışanıç buldıru öçen praktik çaralar kürü turında kileşte.ŞEWERNADZENEÑ bärep töşerelüe belän tämamlanğan tınıçsızlıqlar säbäple duslarnıñ bu ayda bulırğa tieşle oçraşuı fewralgä küçerelde.Kiläse ayda Gruziädä saylawlar ütkärelep yaña administratsiä bilgelänäçäk.Guehenno Dönya iqtibarın Gruziägä cälep itü bik möhim dip äytep bolay dide(audio) Minemçä Gruziä berençe çiratta torğan konflikt bulmağanlıqtan zarar kürä. Min xalıqara cämäğätçelekneñ iqtibarnıñ artuı belän Gruziä mäsälsäendä progress mömkinçelegeneñ üsüenä ışanam. İminlek Şurası Abxaziäne Gruziäneñ ber öleşe bulıp qalırğa çaqırğan plannı yaqlıy.Abxaz separatist citäkçeläre moña qarşı häm plannı tikşerüne kire qağa.Ämma alar ike tarafnıñ mönäsäbätlären yaxşırtu yulların ezlärgä äzer.Duslar törkeme ütkän yılda Gali töbägenä qaytqan gruzinnarnıñ iminlegen tämin itü mäsäläsendä ike yaq belän dä kileşte. BMO şul töbäkkä 20keşelek politisiä törkemeneñ berençelären cibärä başladı. BMO ekspertları tizdän ike yaq arasında iqtisadi mönäsäbätlärne canlandıru öçen kiñäşlär biräçäk. BMO wäkile bu tırışlıqlar söyläşülär östälenä alıp barır dip ömed itä.Tınıçlıq protsesın qatmarlandıruçı faktor bulıp Gruziäneñ Rusiä belän mönäsäbätläre tora.Rusiäneñ çik buylarında tınıçlıq saqlaw ğäskäriläre urnaşqan , ul Abxaziädä bik zur täsirgä iä. Gruziä, Rusiäneñ abxazlarnı säyäxät dokumentları belän tämin itüe häm Soçidän timer yulı bağlanışları buldıruı suverenlekne bozu bulıp tora dip här daim tänqitläp kilä. Mäskäw isä görcilärne, çeçen ğıysyançılarına sıyınu urını birüdä ğäyepläp çıqqan ide.Guehenno qaraşınça ike kürşeneñ kileşüe möhim . Ul Gruziäneñ waqıtlı prezidentı Nino Burjanadze oçraşuıbızda Rusiä belän mönäsbätlärneñ ähämiätenä işarä itkän ide dip söyläde Bakuda Alievnı kümü yolasında V.Putin Burjanadzenı Mäskäwgä däğwät itte. Çärşämbedä Mäskäwdä tışqı eşlär minsitırı İ.İvanov Gruziäle vazyfadaşı Caparidze häm waqıtlı prezident belän oçraşqannan soñ,Gruziä citäkçeläreneñ ike yaqlı mönäsbätlärne külägälägän problemalarnı konstruktiv räweştä söyläşüen xuplap çıqtı.Nino Burjanadzeneñ Putin belän söyläşü köntärtibendä Abxazieädn alıp Acariä könyaq Osetigä qädär törle mäsälälär tora. Burjanadze Mäskäwgä vizitı Gruziäneñ kiläçäk citäkçese belän V.Putin arasında xezmätäşlekkä yul açaçaq uñay atmosfera buldırır dip ömed itä.

färidä xämit,praga
XS
SM
MD
LG