Yevropanıñ Mars Express isemle ğaläm korabı Mars orbitasına kergän. Şulay uq Britaniädä tözelgän Marsqa tikşerülär öçen Mars Express'tan cibärelgän ğilmi korab Beagle 2 dä Marsqa citkän buluı ixtimal dip xäbär itelä. Ämma belgeçlär älegä Beagle 2 belän ber nindi dä elemtä urnaştıra almadı. Qazan waqıtı belän tönge säğat ikelärdä Britaniäneñ ğaläm tikşerü üzäge yañadan elemtägä kerergä tırışlıqlar yasalaçaq. Beagle 2 missiäse öçen cawaplı matbuğat wäkile Peter Barrat, tikşerü korabınıñ Marsqa citkän buluı turında uñay xäbärlär bulır dip ömetlänä.
Älegä eşneñ näticäse bilgesez bulsa da – älege missiäneñ zur uñış buluı inde xäzerdän ük bilgele, dide Missiäne Kontrol itü üzägeneñ Germaniädäge texnik citäkçese Gaelle Winters: "Şunı onıtmıyq, bügen irtän şaqqatqıç xäbär aldıq – Mars Express missiäse däwam itä. Yevropa Ğaläm Agentlığı tarixında berençe tapqır bezneñ ğaläm korabı Mars orbitasına kerde. Mars Express eşli, anda ğilmi tikşerülär öçen bik küp cihazlar bar. Bu üz çiratında bezneñ ğalimnärebezgä kiläse ike yılda eş bulır digän süz" dide Germaniädäge ğaläm tikşerü üzägeneñ texnik citäkçese.
Elekke yıllarda Quşma Ştatlar häm Sovetlar Berlege oyıştırğan Marsqa mondıy missiälär ğadättä uñışsız tämamlanğan ide.
Älegä eşneñ näticäse bilgesez bulsa da – älege missiäneñ zur uñış buluı inde xäzerdän ük bilgele, dide Missiäne Kontrol itü üzägeneñ Germaniädäge texnik citäkçese Gaelle Winters: "Şunı onıtmıyq, bügen irtän şaqqatqıç xäbär aldıq – Mars Express missiäse däwam itä. Yevropa Ğaläm Agentlığı tarixında berençe tapqır bezneñ ğaläm korabı Mars orbitasına kerde. Mars Express eşli, anda ğilmi tikşerülär öçen bik küp cihazlar bar. Bu üz çiratında bezneñ ğalimnärebezgä kiläse ike yılda eş bulır digän süz" dide Germaniädäge ğaläm tikşerü üzägeneñ texnik citäkçese.
Elekke yıllarda Quşma Ştatlar häm Sovetlar Berlege oyıştırğan Marsqa mondıy missiälär ğadättä uñışsız tämamlanğan ide.
