25декабрь könne Tatarstan respublikası xalıq deputatlarınıñ Qazan Sovetınıñ 18 sessiäse Qazan milli-mädäni üzägendä eşen başladı.Anı Qazan şähäre merı, xalıq deputatlarınıñ Qazan Sovetı Prezidium räise Kamil' İsxaqov açıp cibärde. Kön tärtibenä 10 mäs'älä kertelgän ide. Sessiädä qaralğan mäs'älälär arasında “Ber fizik keşegä mal-mölkätkä salım normaları”turında şähärneñ finans idäräse citäkçese Rifnur Söläymanovnıñ çığışı tıñlandı.Annan soñ “Elektroenergiägä häm cılı birügä tariflarnı cayğa , tärtipkä salu”turında şähär departamentınıñ kommunal'-toraq bülege citäkçese Marat Xaliullin çığış yasadı. Sessiädä şulay uq Ğailä mäs'äläse,şähärdä yäşäwçelärne İPOTEKA aşa toraq belän tä'min itü mäs`äläläre dä qaraldı. Ä Qazan şähäre administratsiäse apparatınıñ milli eşlär bülege başlığı İrek Arslanovnıñ 2003-2007 yılllarğa qaralğan Qazan şähärendä yäşäwçe xalıqlarnıñ tellären saqlaw, öyränü häm üsterü Programması ütäleşe barışı turındağı dokladı sessiäneñ ikençe könendä qaralaçaq. Şulay bulsa da sessiädä qaralaçaq bu mäs`äläneñ Qarar proyektı bastırılıp deputatlarğa taratılğan ide. Anda kürsätelgänçä,
“Bu Programmanı tormışqa aşıru maqsatınnan bilgelängän çaralarnı finanslawnı tä'min itüçe Tellärne häm mädäniätne üsterü“Ömet”Fondı eşli. Ämma barlıq çaralarnıñ da tulısınça ütälmägänlege açıqlandı . Yuğarı häm urta spetsial' uqu yortlarında tatar telendä uqıtu häm tärbiä birü buyınça eş tieşençä alıp barılmadı. Elemtä ölkäsendä ike däwlät telendä xalıqqa xezmät tieş däräcädä kürsätelmi. Programmanıñ çaraların finanslaw tulı külämdä alıp barılmıy.”-diep yazılğan.
Älbättä, bu bik yaxşı Programma. Anıñ aktual'legen Rawil Fayzullinnnıñ elegräk yazğan ber şiğri yulları kürsätä. Qazanmı ällä,
Tuğan telne
Onıtu başqalası?
Azatlıq radiosı Mälikä Basıyr Qazan
