Accessibility links

Кайнар хәбәр

İrannıñ Kerman töbägendä köçle cir teträw näticäsendä kimendä 4 meñ keşe hälak buldı


Bügen İrannıñ könyaqkönçığışındağı Kerman provinsiäsendä bulğan köçle cir teträw näticäsendä meñlägän keşe hälak buldı. İran televideniäse – ülgännärneñ sanı kimendä 4 meñ keşe, dip xäbär itkän. Provinsiä başlığı Möhammäd Ali Karimi süzlärençä, Rixter ülçäwe belän 6.3 ball köçendä bulğan bu cir teträwdä "bik küp keşe" ülgän: "Bik küp bina cimerelde, hälak bulğannarnıñ sanı bik yuğarı. Xäzer bezneñ töp maqsatıbız – cimereklär astınnan isän qalğannarnı qotqaru, bu eştä bezgä yardäm kiräk" dide provinsiä başlığı.

Cir teträw başqala Tährannan könyaqkönçığışqa taba meñ çaqrım yıraqlıqta bulğan 80 meñ çaması keşe yäşägän Bam şähärendä buldı.

İran televideniäse, Bam şähärendäge yortlarnıñ 60%tı cimerelep töşkän dip xäbär itte, şul sanda 2 meñ yıllıq tarixı bulğan borıñğı çirkäw dä. Cir terträw şähär xalqı yoqlağan çaqta, cirle waqıt belän irtänge 6nçı yartıda bulğan.

Rusiä iñ berençe bulıp yardäm täqdim itkän illärneñ berse buldı. Mäskäw kiräk-yaraqlar häm qotqaruçılar belän ike oçqıç cibärüen xäbär itte. Germaniä kanslerı Gerhard Şröder İran xalqınıñ qayğısın urtaqlaşıp, kiräk bulğan böten yardäm cibäreläçäk, dip belderde. Gretsiä dä yardäm cibärüen xäbär itte.
XS
SM
MD
LG