Accessibility links

дүшәмбе, 5 декабрь 2016, Казан вакыты 07:38

Kiçä Tel Avivta bulğan terror höcümennän soñ İsraeldä iminlek çaraları köçäytelde


Kiçä kiç Tel Avivta avtobus tuqtalışında bulğan intixar höcüme öçen cawaplılıqnı Süriädäge Fälestinne Azat İtü Xalıq Frontı üz östenä aldı. 4 keşe häm bomba şartlatuçı üze hälak bulğan älege höcümnän soñ İsrael iminlekne köçäytte.

Aña qadär Gaza şähärendä İslam Cihad suğışçılarınıñ xärbi citäkçese Moqled Hamid İsrael boralağınnan atıp üterelgän ide. Şul uq höcümdä tağın 4 fälestinle hälak bulğan.

Bu xällär – soñğı aralarda Yaqın Könçığışta tınıçlıq urnaşır digän ömetlärne yañadan yuqqa çığardı. Fälestin Xezmät ministrı Ğassan al-Khatib kiçä İsrael premyer-ministrı Ariel Şaronnı tınıçlıq protessın artqa çigerüdä ğayepläde: "İsraelneñ bu uñ köçlär xökümäte köç qullanunı tuqtatu tırışlıqların yuq itergä häm xalıqara cämäğätçelekneñ tınıçlıq urnaştıru çaraların ğamäldän çığarırğa tırışa tösle" dide fälestin ministrı.

İsrael xärbiläre tağın 5 fälestinlene qulğa alğan.

XS
SM
MD
LG