Accessibility links

пәнҗешәмбе, 8 декабрь 2016, Казан вакыты 11:09

Udmurtiä mäktäpläreneñ tatar sıynıflarında uquçılar öçen çırşı bäyräme bıyıl üzençälekle uzdı


Mäktäplärdä ikençe çirekkä yomğaqlaw däreslärendä süz yaña yıl turında bardı. Berençelärdän bulıp şuşındıy däresne İjaw şähäreneñ 17 sanlı mäktäbeneñ tatar tele tügärägen alıp baruçı Färidä Färit qızı Timerğazina uzdırdı. Däres televizion tapşıru «Moğcizalar qırı» — «Pole çudes» räweşendä bardı. Älbättä, däres qış, qar börtekläre, qar qızı, häm bäyräm temasına bäylänep, cırlar, iyüllär belän uralıp bardı. Älege tügäräkkä yörüçe balaları turında Färidä Färit qızı Timerğazina.

—audio—

Balalar Yaña yılğa ik küp cırlar, şiğerlär öyrängän.

—audio—

Çırşı tiräsendä bik matur uyennar oyıştırıp, küñel açtı balalar. Qış babay da bik mul itep büläklär alıp kilgän. Ä anıñ Färidä Timerğazinanıñ iptäşe ikänen belgäç ğäcäplänep tä, soqlanıp ta quydım. Uqıtuçı tormış iptäşeneñ yärdämen, teläktäşlegen toymasa, küñelen birep eşli almas ide.

Pänceşämbedä tatar ictimaği üzäge tırışlığı näticäsendä bıyıl tatar sıynıflarında uquçı balalar öçen çırşı bäyräme dä beraz üzgä oyıştırıldı. Bıyıl balalar, ğädättägeçä, çırşı äylänäsendä cırlap, biep yörmäde. Bäyrämne zalda — tamaşa qarap uzdırdı. Balalarğa Minzälä tatar drama teatrı artistları Ğafur Kayumovnıñ «Kötüdä — Yaña yıl» isemle spektaklen alıp kilgän ide. İskitkeç matur itep bizälgän säxnä, çınbarlıqnı xäterlätkän qar börtekläre oçıp yörüe, akterlarnıñ qızıqlı itep uynawı, zalda utıruçı äle tatar telen bik yaxşı uq däräcädä añlap betermägän balalarnı da säxnädä barğan küreneşlär mawıqtırıp,tılsımlı dönyağa alıp kitte. Mojğa şähärennän kilgän balalardan,alarnıñ uqıtuçıları Nädiä Fayaz qızı Waliewadan qızıqsınam.

—audio—

Şulay itep, uqıtuçılar da, bigräk tä balalar tamaşadan zur qänäğätlek xise belän kitte. Ä minzälelelär, gastrol' afişalarında yäşusmerlär öçen spektakl'lär, yäşlär öçen dä eçtäşlekle, tärbiäwi häm uylandıra torğan äsärläre buluların äytte. Bäyrämnärgä genä tügel, ayırım yäş häm barlıq tamaşaçılar belän oçraşırğa teläk belderep kitte. Artistlar belderüençä, tamaşaçını uyınlı—kölkele spektakl'lär belän genä tügel, ä fälsäfi p'yesalar belän tärbiälärgä, alarnıñ zäwığın üsterergä kiräklegen dä assızıqladı.

Xämidä Ğayfullina, Udmurtiä.

XS
SM
MD
LG