Accessibility links

җомга, 9 декабрь 2016, Казан вакыты 20:23

İrannıñ sälämätlek saqlaw ministrı cir teträw afätendä 70 meñ keşe ülde häm törle cäräxätlär aldı dip belderä


Bam, İran. İrannıñ sälämätlek saqlaw ministrı Äxmät Pezeşkian süzlärenä qarağanda, comğa könne ilneñ şuşı borınğı şähärendä bulğan cir teträw afätendä anda yäşäwçe 90 meñläp keşeneñ 65-70-läp protsentı yä ülgän, yäisä törle cäräxätlär alğan. Ul bu sannı 70 meñnär tiräsendä dip farazlıy. Zilzilä näticäläre belän köräşü öçen İran kiçekmästän meditsina kiräk-yaraqlarına moxtac dip belderä ministr. Bügen töbäkkä maxsus etläre bulğan ezläw häm qotqaru belgeçläre, tabiblar belän ike urıs oçqıçı töşte. Rusiädän kilgän qotqaru törkemendäge ber keşe süzlärenä qarağanda, berençe oçqıç belän İranğa 77, ä ikençesendä tağın 70-läp qotqaruçı kilgän. Alar üzläre belän qır xastaxanäsen dä ala kilgän. Töp maqsat, xäräbälär astında qalğan keşelärne tabu dip belderä Rusiä wäkile. Yardämneñ İranğa Britaniädän, Çexiädän, Azärbaycannan da kilüwe turında xäbärlär bar.

XS
SM
MD
LG