Accessibility links

җомга, 9 декабрь 2016, Казан вакыты 18:33

Törkiädä Ğosmanlı patşalığı zamanında ärmännärne üterü turında film kürsäteläçäk


Änkara. Törkiäneñ mädäniat wä säyäxät ministrı Erkan Mumcu bügen, üz ilendä, ğosmanlı çorında ärmännärne üterü turında film kürsätügä röxsät birüne xuplap çıqtı. Süz biredä çığışı belän ärmän bulğan Kanada rejisserı Atom Egoyannıñ "Ararat" filmı turında bara. Törek ministrı bu uñaydan, ägär dä keşelär anı kürergä teli ikän, alar monı eşli ala, "film şaqtıy däräcädä aqıl öyrätä torğan häm urını-urını belän xätta kölkele dä" dip belderde. Berençe dönya suğışı waqıtında könçığış Anadoludağı ärmännärne üterü mäs'äläse Törkiä öçen yılar däwamında qarşılıqlı ber mäs'älä bulıp tora. Ärmän yağı, şul çaqta million yarım keşe yuq itelde dip belderä häm monıñ genotsid dip iğlan itelüwen teli. Törkiä şul çordağı waqiğälärne alay bäyläwne kire qağa.

XS
SM
MD
LG