Accessibility links

якшәмбе, 4 декабрь 2016, Казан вакыты 03:05

İrandağı xäräbälär astınnan kimendä meñläp keşe isän tabılğan


Bam, İran. İran mäğlümat çaraları, ike kön barğan ezläw häm qotqaru eşläre näticäsendä köçle cir teträwgä duçar bulğan Bam şähärendä xäräbälär astınnan kimendä meñ keşe isän kileş tabılğan dip xäbär itä. Şul uq waqıtta zilzilä näticäsendä ülüçelär sanı da 20 meñnän artıp kitkän, bu xaqta İran televideniäse aşa ilneñ eçke eşlär ministrı Ğäbdelwaxit Mussawi Lari belderde. Bu san äle tağın da artır dip farazlana. Berläşkän Millätlärneñ humanitar eşlär xezmätkäre Jesper Lund süzlärenä qarağanda, xäzerge waqıtta Bamda qotqaru eşlären 22 xalıqara törkem alıp bara, läkin äle haman da faciğäneñ tulı süräten belep bulmıy, wäzğiat şaqtıy qatlawlı bulıp qala birä. Lund, qotqaru eşläre urınına tizdän isän qalğannarnı toraq, azıq-tölek, meditsina kiräk-yaraqları belän tä'min itü mäs'äläse kiläçäk dip uylıy.

XS
SM
MD
LG