Accessibility links

сишәмбе, 6 декабрь 2016, Казан вакыты 17:20

Pakstan xakimiate prezident Möşärräfkä höcümnärne kaşmir wä äfğan törkemnäre oyıştıra dip isäpli


İslamabad. Pakstannıñ mäğlümat ministrı Şäyex Räşit Äxmät, prezident Pärwäz Möşärräfkä yasalğan soñğı höcümnär artında kaşmir wä äfğan törkemnäre tora dip uylıy. Anıñ süzlärenä qarağanda, uzğan pänceşämbedä Ravalpindi şähärendä Pakstan prezidentı maşinasın şartlatırğa telägän ike intihar höcümçeneñ dä kem ikänlege açıqlanğan. Ministr, alarnıñ berse Kaşmirdan, ikençese isä Pakstannıñ Äfğanstanğa terälep torğan Tönyaq Könbatış çik wilayätennän dip belderde. Ul şulay uq, terrorçılarnıñ Kaşmirdän alıp Äfğanstanğa qädär cäyelgän häm xalıqara bäyläneşläre bulğan çeltäre bar dip tä äytte. Pakstan prezidentın üterü maqsatında yasalğan soñğı höcümdä 15 keşe hälak bulıp, 45-e törle cäräxätlär alğan ide. Terrorğa qarşı köräştä Quşma Ştatlar yağın alğan prezident Möşärräf, şul höcüm öçen cawaplılıqnı islamçılarğa yökläde häm üzeneñ terrorğa qarşı suğışta çigenmäyäçägen belderde.

XS
SM
MD
LG