Accessibility links

җомга, 2 декабрь 2016, Казан вакыты 23:00

Xalıqara atom energiäse idaräse Liviädä tikşerülär başlaw turında söyläşülär alıp bara


Tripoli. Berläşkän Millätlärneñ Xalıqara atom energiäse idaräse Liviä citäkçelege belän ilneñ atom programmasın tikşerü xaqında söyläşülär başlap cibärde. Berniçä kön elek Liviä üzeneñ küpläp yuq itü qoralları citeşterü programmasınnan waz kiçüwen iğlan itkän ide. Xalıqara atom energiäse idaräseneñ matbuğat wäkile Mark Gwozdecky, şul idarä başlığı Möxämmäd äl-Baradeynıñ bügen Liviä başqalası Tripolidä, ilneñ atom programmasın citäklägän Matouq Möxämmäd belän söyläşülär başlap cibärüwen xäbär itte. Äl-Baradey Liviägä maxsus belgeçlär ozatuwında kiçä kilgän ide, başta ul tışqı eşlär ministrı Möxämmäd Ğabdraxman Çalğam belän küreşte häm şunnan soñ xäbärçelärgä bolay dide: "Bezneñ törkem Liviädä wäkalätebez qısalarında atom energiäsenä qağılışlı bar qorılmalarda da bulaçaq, bu täräqqi itkän ber eş. Ministr Çalğam äytüwençä, Liviä bezneñ öçen üz işeklären aça häm bez moñardan tulısınça faydalanaçaqbız" di Xalıqara atom energiäse idaräse citäkçese Möxämmäd äl-Baradey. Liviäneñ atom qorılmaların tikşerü inde bügennän ük başlana.

XS
SM
MD
LG