Ğiraqta AQŞ citäkçelegendäge koalitsiä köçläre uzğan şimbä könne Kerbala şähärendä bulğan höcümnär öçen cawaplı dip şiklänelgän berniçä keşene tottı.
Pol'şa citäkçelegendäge törkemdä xezmät itüçe macar ofitserı mayor Dezso Kiss älege höcümnär uñayınnan 5 keşe totıldı häm alardan soraw alına dide.
Kiss bu keşelärneñ qaysı il watandaşları buluın äytmäde.
2 xärbi bazağa häm cirle xakimiät idaräsenä höcümnärdä 19 keşe hälak buldı, distälärçä keşe yaralandı.
5 bolğar xärbie, 2 tailand soldatı häm 12 Ğiraqlı üterelgän.
Kiçä Bağdadta bomba şartlawdan 2 bala häm ber amerikan soldatı hälak buldı, 5 amerikan soldatı häm 9 ğiraqlı yaralandı.
Falluca şähäre yanında yulğa quyılğan bomba şartlap tağın ber amerikan soldatın üterde häm 3 soldatnı yaraladı.
