Accessibility links

җомга, 9 декабрь 2016, Казан вакыты 06:53

Xalıqara Atom Energiäse İdaräse başlığı äl-Baraday Liviäneñ xezmättäşlegennän qänäğät


BMOnıñ Xalıqara Atom Energiäse İdaräse başlığı Möxämmät äl Baraday Livia atom qoralı tikşerüläreneñ berençe öleşendä bik nıq xezmättäşlek itä dide. Tripolidan kitär aldınnan äl-Baraday jurnalistlarğa Liviä üz qorılmalarınıñ kötelmägändä kilep tikşerelüenä şunda uq rizalığın belderde dide. Anıñ äytüençä, idaräneñ tikşerüçeläre kimendä 4 urınnı tikşergän häm alarğa urannı qoral yasarlıq däräcädä bayıta ala torğan cihaz kürsätelgän. Äl Baraday Liviä bu cihaznı qara bazardan aluın belderde dip äytte. Äl-Baraday äytüençä, atom idaräse belän Liviä kiläçäktä bergäläp eşliäçäk. Bez atom qoralları programmasına bäyle härtörle ğämällärne, programmalarnı, dokumentlarnı neytral'läşterü, zararsızlandıru öçen Liviä belän xezmättäşlek planı buldırırğa tieş bulaçaqbız dide äl-Baraday. Bu ayda Liviä atom bombası häm başqa tıyılğan bombalar yasaw plannarınnan baş tartuın belderep Xalıqara Atom Egergiäse İdaräse tikşerüçelären çaqırğa ide.

XS
SM
MD
LG