Accessibility links

Кайнар хәбәр

III möddätkä Başqortstan citäkçese itep saylanğan Mortaza Räximov prezident antı qabul itte


Prezidentlıq wazıyfasına kereşü tantanasında yasağan çığışında Räximov Başqortstandağı prezident saylawları çın xalıq bäyrämenä häm nığıy baruçı demokratiäneñ tantana itüenä äwerelde dide. Rosbalt xäbär agentlığı şulay uq Räximovnıñ ütkän saylawlarda Rusiä prezidentı Vladimir Putinnıñ nıqlı yaqlawı bik zur ähämiätkä iä buldı digän süzlären kiterä. Räximov qayber ictimağıy häm säyäsi köçlärne milli häm dini uyın alıp barud, ildäge töp millätlär häm dinnär arasına çöy qağarğa tırışuda ğäyepläde. Ul 3-nçe möddät prezidentlığı çorında iqtisadnı köçäytergä, xalıqnıñ keremnären arttırırğa häm tormış şartların yaxşırtırğa wäğdä birde. Bu tantanağa kilgän qunaqlar arasında Tatarstan prezidentı Mintimer Şäymiev, Rusiä prezidentınıñ İdel buyı Federal okrugındağı wäkile Sergey Kirienko, Rusiä premyer-ministrı urınbasarı Boris Aleşin, Udmurtiä prezidentı Aleksandr Volkov, Swedlaw ölkäge gubernatorı Eduard Rossel', Başqortostan xakimiäte wäkilläre buldı.Räximov 21-nçe dikäberdä üktäm 2-nçe tur saylawlarda 78 protsent tawış cıyıp tağın 5 yılğa prezident itep saylandı.
XS
SM
MD
LG