Accessibility links

шимбә, 3 декабрь 2016, Казан вакыты 20:54

Bolğarstan citäkçeläre häm meñnärçä keşe Ğiraqta hälak bulğan 5 soldatnı soñğı yulğa ozattı


Xalıq Sofia üzägendä Bolğarstan xärbiläre klubına quyılğan häm Bolğarstan älämnäre belän qaplanğan tabutlar yanınnan uzdı. Sofiada matäm yolasınnan soñ alar tuğan yaqlarına alıp qaytıp kümeläçäk. Böten ildä älämnär yartılaş töşerelde häm bäyräm çaraları tuqtatıldı. Bolğarstan prezidentı Georgi Parvanov bolay dip çığış yasadı:

AUDİO: Bezneñ yegetlär watannarınnan meñnärçä çaqrım çittä hälak buldı, ämma alar Bolğarstan äläme astında suğışıp ülde. Bez üzläreneñ patriotik burıçların ütägändä hälak bulğan Bolğarstan soldatlarına bik zur burıçlı.

Ğiraqta Bolğarstannıñ 480 xärbie xezmät itä. 5 soldat uzğan atnada Kerbala şähärendä Bolğarstan xärbilärenä höcüm näticäsendä hälak buldı. Moñarçı Ğiraqta Bolğarstan xärbiläreneñ üterelgäne bulmadı. Şuşı yuğaltuğa qaramastan Bolğarstan Ğiraqta Amerika citäkçelegendäge koalitsiädä qalaçağın belderä.

XS
SM
MD
LG