Accessibility links

җомга, 9 декабрь 2016, Казан вакыты 16:41

Litva konstitutsion mäxkamäse: prezident Paksas konstitutsiäne bozğan


Litva konstitutsion mäxkamäse prezident Rolandas Paksas üzeneñ saylaw aldı kampaniäsendä yardäm itkän rusiäle eşmäkärgä watandaşlıq büläk itep konstitutsiäne bozğan digän qarar çığardı. Mäxkamä räise Egidijus Kuris Paksasnıñ 11 apreldä Jurijus Borisovasqa watandaşlıq birü turındağı qararı konstitutsiäneñ 3 matdäsenä qarşı kilä dide. Bu mäxkamä qararı yañadan qarala almıy. Borisov prezident saylaw kampaniäsendä Paksasnıñ töp finans tayanıçı bulğan. Litva iminlek xezmätläre xisabında ul Sudanğa qoral satuda ğäyeplänä. Prezident Paksas Rus mafiäse belän bäyläneştä toruda häm däwlät iminlegen qurqınıç astına quyuda ğäyeplänä. Kiçä Parlamentnıñ maxsus törkeme berençe märtäbä cıyılıp Paksasqa impiçment iğlan itü mäs'äläsen qaradı.

XS
SM
MD
LG