Accessibility links

шимбә, 3 декабрь 2016, Казан вакыты 01:23

İranda cir teträwdän cimerelgän Bam şähärendä awırular taraluğa yul quymas öçen köräş bara


Irannıñ xökümät wäkilläre häm xalıqara qotqaruçılar Bam şähärendä uzğan comğa könge cir teträwdän soñ eçär su bulmaw, salqın hawa häm xärabälär astında küplägän mäyetlär bulu säbäple awırular taraluğa yul quymaw öçen köräşä. Bamdağı cir teträw näticäsendä 30 meñnän artıq keşe hälak buldı, distälärçe meñ keşe yortsız qaldı, borınğı şähärneñ küpçelek öleşe cimerelde. Xärablär astında isän qaluçılarnı tabu ömete nıq kimü säbäple töp iğtibar xäzer isän qalğannarğa vaksinalar qadaw häm su çistartu eşlärenä yünältelä. Küçmä xastaxänälärdä 20 ildän kilgän yardäm törkemnäre eşli. Alar arasında Quşma Ştatlardan kilgän 60-lap tabip häm 20 yardämçe belgeç tä bar. Amerikan törkeme başlığı Bill Garvelink İran räsmiläre belän oçraşıp isän qalğannarğa niçek yaxşıraq yardäm itü turında söyläşüen belderde. 1979-nçı yılda İrandağı Amerikan ilçelegendä totıqlar alu waqıyğasınnan soñ ike il arasındağı şuşı berençe turıdan-turı elemtä turındağı sorawğa ul bez säyäsi mäs'älälärgä qaramıybız dide.

XS
SM
MD
LG