Accessibility links

Кайнар хәбәр

Äfğänstan prezidentı Xämit Karzai tağın ber märtäbä Olı Mäcles - Loya Cirğadan köçle üzäk xökümät ideyäsen yaqlawnı taläp itte


Karzai Loya Cirğa räise Sibğatulla Möxäddedigä şuradağı oppozitsion äğzalarnıñ taläpläre aldında bernindi çigeneş yasamayaçağın äytüe turında belderde. 502 äğzadan torğan Loya Cirğa inde ike atnadan artıq Karzai yaqlağan 160 matdäle konstitusiä ölgesen tikşerü belän mäşğül. Äfğänstanda küpçelekne täşkil itüçe paştunnar wäkile Karzai ilne tözekländerü öçen prezident bularaq üzenä kiñ wäkalätlär alırğa teli. Ämma azçılıqnı täşkil itüçe taciqlarnı häm üzbäklärne üz eçenä alğan tönyaq berektäşlek citäkçeläre premyer-ministr wazıyfasın häm köçle parlamentnı östenräk kürä. Milli azçılıq tellären tanu häm üzäk bank kontrole kebek başqa mäs'älälärgä dä äle çişeleş tabılmağan. Karzai äytüençä, konstitutsiä bu comğa yäki şimbä könne qabul itelergä mömkin.
XS
SM
MD
LG