Accessibility links

якшәмбе, 4 декабрь 2016, Казан вакыты 02:49

İran citäkçeläre "zilzilä diplomatiäse" turındağı ömetlärne kimetä


Zur tabiğıy afätkä duçar bulğan İranğa AQŞlarınıñ yardäm cibärüe häm anıñ qabul itelüenä qarata küplär ällä Bam zilzeläse xäräbälärennän Waşington-Tehran dialogımı qalqıp çığaçaq digän soraw quyğan ide.Qayberäwlär başta bälkim dip cawap birsälär dä, atna azağında Waşingtonda da Tehran da ütäläse qatı şartlar säbäple ömedlär kimi töşte.

Könyaq-könçığış İranda Bamdağı qatı cir teträwennän soñ dönyanıñ 4 poçmağınnan şul sanda AQŞtan da yardäm kilde.Distä yıllardan soñ AQŞ oçqıçınıñ İranğa töşüe üzenä kürä sensatsiä buldı , bigräk tä kiñ küläm mäğlümät çaraları Bam tragediäse zilzile diplomatiäsiäsen tudıra ala dip şaulıy başladı.Ämma zilzilädän soñ ber atna ütkäç ike yaqnıñ da räsmiläre humanitar yardäm ber närsä, säyäsät ikençe närsä dip söyli başladı.Prezident G.Bush kiçä İranğa yardäm cibärü turında bolay dip äytte (audio) Bez İran xalqına , amerikannar sezneñ avır xälegezne añlıy dip kürsätergä telibez. Bez keşelärneñ cafalanuına märxämät belän cawap qaytarabız , humanitar yardämneñ ilgä qulaylıq belän kerüe öçen çikläwlärne yomşarttıq.İran xökümäte ozaq waqıttan birle tınıçlıq öçen tırışuçılarnı tıñlarğa , törmädä totqan Al Qaida äzğaların tapşırırğa , atom programmasınnan waz kiçergä tieş.Bez İran xökümäteneñ, yardäm kiterüçe oçqıçlarıbıznı qabul itüen xuplıybız.Döres eş.Zarar kürgän keşelärgä bulışlıq kürsätü yaxşı eş häm bez şulay eşlibez. Bushnıñ bu süzläre, Finans ministırlığı İranğa humanitar yardämneñ tizlektä barıp citüe öçen quyılğan çikläwlärne waqıtlıça ciñeläytäçägen iğlan itkännän soñ äytelde. 90könlek möddät eçendä AQŞ watandaşları ,xäyriä oyışmaları İranda yardäm häm tözekländerü eşe alıp barğan oyışmalarğa turıdan turı aqça cibärä alaçaq.Ämma Tehran belän säwdä itü elekegeçe tıyıla.İrannnıñ yuğarı däräcäle räsmilärendä dä , yardäm tırışlıqları bälkim dä ike il arasında dialoqqa alıp barır digän ömedlär kimede. Çönki prezident Xatami(audio) AQŞ humanitar yardämeneñ ike ilne ayırğan politik mäsälälär belän ber bäyläneşe dä yuq. Ayrımalıqlarnıñ tamırı bik tiräsndä, AQŞ küptännän birle İranğa naçar küz belän qarıy. Ämma Xatami , AQŞ administratsiäseneñ ğämäl häm süzlärendä üzgäreş bulsa, mönäsäbätlär üzgärä ala dip östägän. AQŞ vä İran ilbaşlarınıñ belderüläre, däwlät sekretarı C.Powelneñ, Tehrannıñ amerikan yardämen qabul itüe İran citäkçelegendä yaña töşençälär täräqqi itüenä işarä bula ala dip äytüennän soñ yasaldı.Powell WP gazetasına birgän ängämädä İrannıñ yaña tör mönäsäbäte, anıñ AQŞ humanitar yardämen qabul itüdä genä tügel ä BMO inspektorlarına röxsät birü ,şulayuq urtaçıl ğäräb illärenä diplomatik işarälär cibärüendä dä kürenä dip äytkän häm mondıy adımnar kiläçäktä uñay ber mizgeldä dialogqa alıp bara ala dip östäp quyğan ide. Powellnıñ uñay mizgel digän süzläre mätbuğatta törleçä täfsillänä başlağaç, Däwlät departamentı süzçese Ereli (audio) däwlät sekretarınıñ komentarınnan añlaşılğançı, uñay täräqiät bar. Añı här kem kürä ala , Şulayuq ciddi borçılular da qala birä. Bez uñay mizgeldä dialogqa äzer.İke prezidentnıñ belderüläre cirteträwe diplomatiäse turında mätbuğatta barğan diskussilärne tuqtatır.Ämma şulay da Bam tragediäseneñ bälkim dä alğa taba säyäsi täräqiätkä täsir itäçägen kürsätkän işarälär yuq tügel. Misal öçen kiçä İran parlamentı citäkçeseneñ urınbasarı Möxämmäd Riza Xatami Tehran Waşingtonnıñ yaxşı niätenä älbättä , yaxşı niät belän cawap qaytaraçaq dip äytte. İsän bulsaq kürerbez .

färidä xämit,praga
XS
SM
MD
LG