Accessibility links

чәршәмбе, 7 декабрь 2016, Казан вакыты 23:30

BMO cir teträwdän cimerelgän Bam şähärenä küpme humanitar yardäm kiräk bulaçağın isäpli


Cir teträw säbäple Bamda 30 meñnän artıq keşe hälak buldı. BMO äytüençä, 40 meñläp keşe yortsız qalğan. Alarnıñ küpçelege qışqı salqın tönnärne çatırlarda üktärä. İrandağı Amerikan küçmä xastaxanäsendä eşläwçe tabib Annekathryn Goodman qış problemalarnı tağın da qatlawlandıra dide:

AUDİO: Min kürgän keşelärneñ küpçelege aşqazanı awırtu, baş awırtu, cilkäläre awırtu säbäple kilä. Alar monda kilep cılıy da cılıy, cılıy da cılıy. Alar şul qädär qayğıru säbäple aşamıy. Häm aşamaw säbäple xälsezlänälär. Yortsız bulu häm çatırlarda qunu säbäple alar tuñalar, üpkälärenä salqın tiä. Bolar barısı ber-bersenä bäylängän.

BMO eşlären koordinatsiäläwçe üzäk wäkile Ted Pearn su, sanitariä, azıq-tölek, häm çatırlarğa ixtiacnıñ ni däräcädä buluı isäplänep, tä'min itüçelärgä ber atna eçendä beldereläçäk dide. Bamlılar ixtıyacların bäyäläwdä BMO agentlıqları belän berniçä il, şul isäptän Quşma Ştatlar da qatnaşa. AQŞ prezidentı George Bush tabiğät qazası kiçergän İrannıñ Amerikadan humanitar yardäm aluğa rizalaşuın xuplap çığış yasadı. Şul uq waqıtta ul, ägär dä İran Waşington belän yaxşıraq elemtälär buldırırğa teläsä kübräk tırışlıq kürsätergä tieş bulaçaq dide.

XS
SM
MD
LG