İsemnäre atalmağan AQŞ xökümäte räsmiläre Könbatış xäbär agentlıqlarına AQŞ xökümäte ul tikşerülärdä qatnaşmayaçaq dip beldergän.
Elegräk Könyaq Korea räsmiläre, Tönyaq Korea kiläse atnada üzeneñ atom qorılmalarına AQŞ wäkillären kertergä rizalaşqan dip beldergän ide. Berazdan küpläp üterü qoralları turında söyläşülär bulırğa mömkin.
İsemnäre atalmağan Könyaq Korea räsmiläre Könbatış xäbär agentlıqlarına bu tikşerü 6-nçı 10-nçı ğinwarlarğa planlaştırıla dip äytkän bulğan.
Könyaq Koreanıñ Yoñ-byon atom qorılmaların tikşerüçe törkemgä Quşma Ştatlarnıñ ölkän belgeçe dä kerteläçäk dip tä xäbär itelde.
Ber yıl elek Tönyaq Koreadan BMO tikşerüçeläre çığarıp cibärelgännän soñğı anda bernindi xalıqara tikşerü dä bulmadı.
Küptän tügel Tönyaq Korea üzeneñ atom qoralları programması turında altıyaqlı söyläşülärne yañartırğa teläwen belderde.
Pxenyan üzeneñ atom qoralları programmasın tuqtatqan oçraqta iminlek garantiäläre birelüen teli.
