Accessibility links

чәршәмбе, 7 декабрь 2016, Казан вакыты 11:41

Britaniä hawa yulları şirkäte oçqıçları, terror qurqınıçı säbäple inde ikençe kön buyı Waşingtonğa oçmıy


Yaña yıl aldınnan Britaniä hawa yullarınıñ Waşingtonnan Londonğa oçışı da kiçekterelde. AQŞ Federal' Tikşerülär İdaräse xezmätkärläre berniçä säğät buyı yulçılardan häm oçqıç xezmätkärlärennän soraw aldı. Ämma beräwne dä qulğa almadı. Yaña yıl aldınnan häm kiçä Meksikanıñ Aeromexico şirkäte oçqıçları da Meksika şähärennän Los Angelesqa oçmadı. Air France hawa şirkäteneñ New Yorktan Parijğa oçuçı oçqıçı Newfoundlandta tuqtarğa mäcbür buldı. Anda yulçılarnıñ bagajı tikşerelde, ämma ber şikle äyber dä tabılmağaç 4 säğättän soñ oçqıç Parijğa yulın däwam itte. Bügen Fransiä tışqı eşlär ministrlığı Raştua bäyräme könnärendä Quşma Ştatlarnıñ yulçılar isemleklärenen öyränüdä cibärgän xataları Air France şirkäteneñ Quşma Ştatlarğa 6 oçışın tuqtatuğa säbäp buldı dide. Raştua häm Yaña Yıl bäyräme könnärendä terror qurqınıçı bulu säbäple Quşma Ştatlarda iminlek çaralarına ayıruça zur iğtibar birelde.

XS
SM
MD
LG