Accessibility links

пәнҗешәмбе, 8 декабрь 2016, Казан вакыты 01:20

Misırda oçqıç qazasında 148 keşe ülde: Misır häm Fransiä räsmiläre terror ixtimalın kire qağa


Misır häm Fransiä räsmiläre äytüençä, bügenge oçqıç qazası terror ğämäle tügel, ä oçraqlı qaza bulıp tora. İrtä belän Misırnıñ Flash Air kompaniäseneñ Boeing 737 oçqıçı Şarm-Äl-Şäix qurortınnan hawağa kütärelü belän Qızıl diñgezgä kilep töşte. Kahirä aşa Parijğa baruçı oçqıçta 148 keşe, 135 yulçı häm 13 keşedän torğan ekipaj bulğan. Alar barısı da xäläk bulğan. Yulçılarnıñ kübese Raştua yallarınnan öylärenä qaytıp baruçı Fransuz turistları. Misır Tışqı eşlär ministrı Äxmät Maher qazanıñ terror ğämäle buluın kire qaqtı. Fransiäneñ Transport ministrı urınbasarı Dominique Bussereau süzlärençä, pilotlar oçqıçnı kire borırğa tırışqan:

Audio (Dominique Bussereau)

"Räsmi mäglümätlärgä qarağanda oçqıç kütärelü belän texnik problemnar başlanğan. Pilotlar kire qautırğa qarar itkän. Borılış yasağanda oçqıç Şeraton otele yanında suğa kilep töşkän. Oçqıç Parijda irtänge 9da bulası ide. 135 yulçınıñ 127se – fransuzlar."

Bussereau äytüençä, oçqıçta tulı ğailälär, küp kenä balaçağa bulğan. Qotqaru törkemnäre qaza urınında ezlänü eşläre alıp bara.

XS
SM
MD
LG