İran räsmiläre Quşma Ştatlarnıñ yuğarı däräcädä humanitar törkemen kire qaqtı. Amerianıñ Qızıl xac oyışmasınıñ elekke citäkçese, senator Elizabeth Dole citäklägän törkem cir teträwe kiçergän İran xalqına humanitar yärdäm kiteräse ide. Ämmä, Däwlät departamentı wäkile Adam Ereli äytüençä, İran räsmiläre bu yärdämne kire qaqqan:
Audio (Adam Ereli)
"Bu adım belän bez İran xalqına yärdäm, teläktäşlek kürsätergä telägän idek. Läkin İran räsmilärennän kilgän cawapqa qarağanda alar älegä monı telämi."
Alay da Ereli, Tähranıñ bu cawabın "säyäsi adım" tügel, ä Bam şähärendäge wazğiätkä bäyle, die:
Audio (Adam Ereli)
"Bezneñ adım säyäsi tügel ide, İrannñ cawabında da bez säyäsät kürmibez. Kiräk bulsa, bu mäsälägä äylänep qayta alabız."
Bam şähärendä bulğan zilzilädän soñ Quşma Ştatlar İranğa berniçä oçqıç yärdäm cibärde. İranğa aqça küçerü ciñeläytelde. Bu adımnı küplär ike il arasında mönäsäbät yaxşıru dip bäyäläde. 1979 yıl İslam inqilabı häm dä 52 Amerikan ber yılğa totıq itep alınğannan soñ ike il arasında mönäsäbätlär özelgän xäldä ide. Prezident Bush İrannı, Tönyaq Korea häm Ğiraq belän bergä, zolım küçäre dip atağan ide. Kiçä Bush, cir teträwennän soñ ike il arasında xällär yaxşıra digän ğäybätlärne yuqqa çığardı. Anıñ süzlärençä, Amerikanıñ yärdäm täqdime fäqät miherbanlıq bulıp tora. Ä mönäsäbätlär yaxşırsın öçen İran äle küp närsä eşlärgä tieş. Şul isäptän, terrorçılıq, küpläp üterü qoralı, Äl-Qaidä äğzaları mäsäläsendä çaralar kürergä. Adam Ereli süzlärençä, Amerikanıñ yärdäm täqdime dä İranğa basım çarası tügel:
Audio (Adam Ereli)
"Bezneñ täqdimneñ bernin di säyäsi "tel töbe" yuq. Häm İranlılar da şulay añlağan dip ışanam. Bu barı tik, teläktäşlek adımı, miherbanlıq ide."
Senator Elizabeth Dole citäklägän törkem İranğa soñraq kilä alırmı, älegä bilgesez. Säfär bula qalsa, bu – yuğarı Amerikan räsmieneñ soñğı berniçä distä yıl eçendä İranğa berençe räsmi säfäre bulır ide.
Ali Gilmi
Audio (Adam Ereli)
"Bu adım belän bez İran xalqına yärdäm, teläktäşlek kürsätergä telägän idek. Läkin İran räsmilärennän kilgän cawapqa qarağanda alar älegä monı telämi."
Alay da Ereli, Tähranıñ bu cawabın "säyäsi adım" tügel, ä Bam şähärendäge wazğiätkä bäyle, die:
Audio (Adam Ereli)
"Bezneñ adım säyäsi tügel ide, İrannñ cawabında da bez säyäsät kürmibez. Kiräk bulsa, bu mäsälägä äylänep qayta alabız."
Bam şähärendä bulğan zilzilädän soñ Quşma Ştatlar İranğa berniçä oçqıç yärdäm cibärde. İranğa aqça küçerü ciñeläytelde. Bu adımnı küplär ike il arasında mönäsäbät yaxşıru dip bäyäläde. 1979 yıl İslam inqilabı häm dä 52 Amerikan ber yılğa totıq itep alınğannan soñ ike il arasında mönäsäbätlär özelgän xäldä ide. Prezident Bush İrannı, Tönyaq Korea häm Ğiraq belän bergä, zolım küçäre dip atağan ide. Kiçä Bush, cir teträwennän soñ ike il arasında xällär yaxşıra digän ğäybätlärne yuqqa çığardı. Anıñ süzlärençä, Amerikanıñ yärdäm täqdime fäqät miherbanlıq bulıp tora. Ä mönäsäbätlär yaxşırsın öçen İran äle küp närsä eşlärgä tieş. Şul isäptän, terrorçılıq, küpläp üterü qoralı, Äl-Qaidä äğzaları mäsäläsendä çaralar kürergä. Adam Ereli süzlärençä, Amerikanıñ yärdäm täqdime dä İranğa basım çarası tügel:
Audio (Adam Ereli)
"Bezneñ täqdimneñ bernin di säyäsi "tel töbe" yuq. Häm İranlılar da şulay añlağan dip ışanam. Bu barı tik, teläktäşlek adımı, miherbanlıq ide."
Senator Elizabeth Dole citäklägän törkem İranğa soñraq kilä alırmı, älegä bilgesez. Säfär bula qalsa, bu – yuğarı Amerikan räsmieneñ soñğı berniçä distä yıl eçendä İranğa berençe räsmi säfäre bulır ide.
Ali Gilmi