Accessibility links

шимбә, 10 декабрь 2016, Казан вакыты 23:42

Loya Cirğa Äfğanstannıñ yaña konstitutsiäsen rasladı


Äfğanstannıñ Böyek Mäclese, Loya Cirğa, 3 atna barğan bäxäslärdän soñ, ilneñ yaña konstitutsiäse mäsäläsendä kileşügä ireşte. Bu turıda bügen Kabulda Mäclesneñ räise Sibğatulla Mucadidi iğlan itte. Soñğı minutqa qädär, prezident wäkälätläre häm däwlät telläre tiräsendä bäxäslär bardı. Axır çiktä ilneñ xäzerge citäkçese Xomid Karzai alğa sörgän "köçle prezident sisteması" raslanğan, ämmä östäp 2 vitse-prezident wazifası kertelgän. Dari häm Paştu telläre däwlät telläre bulaçaq. Cirle xalıqnıñ küpçelege başqa teldä söyläşkän töbäklärdä ul tel 3nçe räsmi tel dip tanılaçaq. Yaña konstitutsiä Äfğanstanda 2 distä yıl barğan suğışlardan soñ berençe demokratik saylawlar ütkärügä yul aça.

XS
SM
MD
LG