Accessibility links

чәршәмбе, 7 декабрь 2016, Казан вакыты 11:45

Gruziädä waqıtınnan alda prezident saylawları ütte


6 atna elek Eduard Şevarnadze urınınnan kitkännän soñ, bügen Gruziädä prezident saylawları ütä. Prezidentlıqqa 6 namzät däğwa itä. Ciñüne, Şevarnadzenıñ çigenüenä kitergän "bärxet inqilabın" oyıştıruçılarnıñ berse, elekke Yustitsiä ministrı Mixail Saakaşvili yawlar dip kötelä. Saylawlar ütte dip sanalsın öçen saylawçılarnıñ kimendä 50 protsentı qatnaşırğa tieş. Köndezge 2-lärdä Üzäk saylaw komissiäse bu sanğa ireşü turında iğlan itte. Mixail Saakaşvili xalıqnıñ tawış birüdä äwzem qatnaşuı turında äytte:

Audio (Mixail Saakaşvili)

"Qatnaşu däräcäse bik yuğarı, tawış birü urınnarında şundıy küp keşe kürep min şaq qattım. Bu bezneñ tarixta kürelmägän xäl. Keşelär yaxşıraq kiläçäkkä ömetlänä. Yaña prezident häm yaña xökümät monı iskä alırğa tieş."

Tawış birü urınına kilgäç elekke citäkçe Eduard Şevarnadze üz tawışın Saakaşviliğa birüwen äytte. Ämmä prezident bulğaç, aña azraq söylärgä, kübräk eşlärgä kiñäş itte. Tawış birüne 400 Könbatış häm 100-läp BDB küzätüçeläre küzätä. Berençe näticälär irtägä kötelä.

XS
SM
MD
LG