Accessibility links

сишәмбе, 6 декабрь 2016, Казан вакыты 05:55

Saakaşvili Gruziä prezidentı bulğannan soñ, Mäskäw belän mönäsäbätlär niçek täräqqi itär?


Mäskäv AQŞta belem alğan Könbatış yaqlı Mixail Saakaşvilineñ Görcstan prezidentı itep saylanuına borçıla bulsa kiräk. Şevardnadze Noyäber ayında cigengännän soñ, ike il arasındağı mönäsäbätlär, berbereñne ğäyepläv häm xezmättäşlek väğdäse arasında üzgärep tordı. Saakaşvili prezidentlığınıñ Mäskävneñ bu regiondağı ozın möddätle ambitsiälärenä nindi täsire bulaçaq?

Saakaşvili Yäkşämbe könne ciñep çığaçağı mäğlum bulğannan soñ yasağan çığışında, Russiä belän xezmättäşlekkä ähämiät biräçägen belderde.

Audio

Şulay da Tbilisi belän Mäskäv arasındağı mönäsäbätlärneñ nindi bulaçağın äytüe qıyın. Görcstan Russiäne üzeneñ geografik häm ekonomik üstenleklärennän faydalanıp, Acariä, Könyaq Osetiä häm Abxaziädä regional separataismnı yaqlauda häm şulay itep Tbilisineñ Könbatış yaqlı köçlär belän berläşüenä ayaq çaluda ğäyepläp kilde. Üz nävbätendä Mäskäv Tbilisine Çeçnädä separatizmnı yaqlauda , qorallı köräşçelärgä sıyınu urnı birüdä ğäyepläp kilde. Saakaşvili BMO häm Russiä qatnaşlığııda Abxaziä konfliktın künegelmägän yullar belän xäl qılırğa äzer toruın belderde. Politik küztäçe Andrey Piontkovskiy Mäskävneñ belderüläre belän eşçänlege arasında qapma-qarşılıqlar bar digän fikerdä. Ul radiobız xäbärçesenä bolay dide

Audio

Şevardnadze cigengännän soñ uq diärlek Könyaq Osetiä, Abxaziä häm Acaristan citäkçeläre Mäskävdä oçraştılar. Mäskäv Acariägä qarata viza tärtiben şunduq yomışarttı, Saqlanu ministere Sergey İvanov isä Russiägä Griuziädäge xärbi bazaların yabu öçen 11 yıl vaqıt kiräk bulaçaq dip belderde. Küzätüçelärneñ fikerençä, Mäskäv-Tbilisi mönäsäbätlärendä, Kremldä barğan köräşneñ dä täsire zur. Kreml Tbilisigä qarata nindi säyäsät alıp barunı äle xäl itmägän. Berävlär xezmättäşlekne , ikençelär imperialistik mqsätne yaqıy. Kremlneñ ştab başlığı Aleksander Voloşinneñ kitüe xezmättäşlekne yaqlauçı kölär öçen zur yuğaltu buldı. Piontkovskiynıñ fikerençö, şunnan soñ Kremldä imperialistik yulnı yaqlauçılar östenlek ala başlağan.

Audio

Başqa ber küzätüçe Mixail Aleksandrovnıñ fikerençä, Gruziägä qarata qatı qul säyäsäten yaqlauçılar äle tulısınça ciñep çıqmağannar.

Audio

Şulay Russiä-Gruziä mönäsäbätläreneñ nindi yünäleştä baraçağı äle qätği bilgele tügel. Monda duslıq häm xezmättäşlek kileşüeneñ eştälege zur rol uynayaçaq. Gruziäneñ politik kützätüçese Soso Tsesaskarişvili Russiä redaksiäsenä birgän ängmäsendä bolay digän ide.

Audio

Üz nävbätendä Mäskäv andıy kileşü tözü öçen Tbilisidän Gruziäneñ Russiäneñ täsir zonasında qalaçağı turında garantiä taläp itäçäk dip äytergä kiräk. Russiä xärbi bazalarınıñ qaluı da şartlarnıñ berse bulaçaq.

Färit İdelle, Praga.
XS
SM
MD
LG