Accessibility links

дүшәмбе, 5 декабрь 2016, Казан вакыты 07:31

Osama Bin Laden Ğiraqta cihadnı däwam itergä çaqıra


Kiçä Äl-Jazeera televideniäse Osama Bin Ladennıñ möräcäğäten tapşırdı. Al Qaida başlığı Ğiraqta cihadnı däwam itergä çaqıra, qayber Ğaräp häm möselman illäre citäkçelären Amerika belän xezmättäşlek itüdä ğayepli. Britaniä tışqı eşlär ministrı Jack Straw, tasmadağı tawış zur ixtimal belän Osama Bin Ladennıqı bula ala, dip belderde. CİA da tasmanı tikşergännän soñ andağı tawışnıñ çınnan da Osamanıqı buluı ixtimal, digän näticägä kilde.

Britaniä Hawa Yulları şirkäteneñ Waşingtonğa yul totqan oçqıçı yañadan iminlek säbäplärennän kiçekterelde. 31 dekabrdän birle Britaniä Hawa Yulları, Mexika häm Fransiä Hawa şirkätläreneñ Amerikağa oçırğa tieşle 14 oçqıçı kitmi qaldı. Londonda hawa mäydanı häm tirä yaqları centekläp tikşerelä. Kiçä Äl-Jäzeera televideniäse Äl-Qaida başlığı Osama Bin Ladennıñ möräcäğäten tapşırğannan soñ bügen Britaniä tışqı eşlär ministrı Jack Straw – hawa alannarında köçäytelgän iminlek çaraları bik urınlı, çönki Bin Laden äle haman da isän bulırğa mömkin dip belderde. Bügennän başlap Amerikağa kilgän çit il watandaşlarınnan hawa mäydanında uq barmaq ezlären häm fotoräsemnären alalar.

Bügen bu xaqta Quşma Ştatlarnıñ eçke iminlek departamentı sekretare Tom Ridge, Atlanta ştatınıñ Georgia xalıqara aeroportında belderde: "Bügennän başlap bez ilneñ 115 hawa mäydanında häm Amerikanıñ 14 diñgez portında yaña texnologiäle tikşerü çaraların başlıybız. Bu çara – kilüçelär öçen çiklärne açıq – terrorçılar öçen yabıq totarğa yardäm itäçäk" dip belderde Tom Ridge.

XS
SM
MD
LG