Zurlığı belän Tatarstan çaması bulğan Gruziä bügen bar dönyanıñ iğtibar üzägendä, xörmätle tıñlawçılar. İsegezgä töşeräm, noyäberdä ütkän parlament saylawlarında xakimiättäge partiä ciñde dip iğlan itelgännän soñ, opozitsiädäge köçlär bu näticälärne xärämläşü dip atadı. 3 atna buyı tınıç protest çaraları ütkärep alar prezident Eduard Şevarnadzenı kitergä mäcbür itte. Bu waqiğa Gruziä tarixına "roza inqilabı" bulıp kerep qaldı. Protest waqıtında köç qullanmawğa basım yasap opozitsiä tamğa itep roza çäçägen sayladı. Kiçäge tawış birülärneñ räsmi näticäläre älegä iğlan itelmägän, läkin anda opozitsiä citäkçese Mixail Saakaşvilinıñ ciñep çığaçağı berkemdä dä şik uyatmıy. Berençe 30 urınnan kilgän sannarğa qarağanda anıñ öçen saylawçılarnıñ 95% tawış birgän. Qalğan 5 namzätneñ näticäläre telgä alırlıq tügel. Tawış birüdä 2 million 130 meñ saylawçınıñ yaqınça 80% qatnaşqan dielä. Gruziä xalqınıñ moñarçı bolay äwzem bulğanı yuq ide. Waq-töyäk tärtip bozular bulsa da, küzätüçelär, saylawlarnı ğädel dip taptı. Berençe sannar mäglüm bulğannan soñ Gruziäneñ bulaçaq prezidentı Mixail Saakaşvili bolay dide:
Audio (Mixail Saakaşvili)
"Min bik dulqınlanam, minem cilkämä zur yök töşä. Läkin bez bergä bulsaq, Gruziä qotqarılaçaq, Gruziä yäşäp qalaçaq, Gruziä çäçäk ataçaq. Bez barıbız da ilebez belän ğorurlanabız, kiläçäktä bez 10 tapqır qorurraq bulaçaqbız."
Saakaşvili süzlärençä, bu saylaw näticäläre aña ildäge korrupsiägä qarşı köräş başlarğa xoquq birä. Äytkändäy, bu köräşne ul inde ber başlap qarağan ide. Yäş buluına qaramastan, ul Şevarnadze xökümätendä eşläp alğan keşe. Amerikada xoquq beleme alıp, eşläp qaytqannan soñ ul Yustitsiä ministrı itep bilgelänä. Şuşı wazifada korrupsiägä qarşı köräşä başlıy. Türälärneñ zatlı villaları töşerelgän sürätlärne xökümät utırışına alıp kilep kürsätä. Läkin prezident belän urtaq tel taba almıyça tizdän wazifasınnan kitä. Şunnan soñ opozitsiädäge üz partiäsen qora. Näticäsen inde beläsez.
Yaña prezidentnıñ wazğifağa kerü tantanası Konstitusiä nigezendä 3 atnadan, 25 ğinwarda ütäçäk. Yazmış şuqlığı digändäy, bu kön Şevarznadzenıñ tuğan köne, aña 76 tula. Äytkändäy, kiçä tawış birergä ul da kilde, häm iñ qızığı, üz tawışın Saakaşviliğa birgänen äytte. Yaña prezidentqa nindi teläklär, digän sorawğa ul, "azraq söyläsen, kübräk eşläsen", dide.
"Xäyläkär tölke" quşamatı belän yörgän Şevarnadze belep söyli, yaña prezidentnı alda awır sınawlar kötä. Berniçä cit teldä irken söyläşkän Saakaşvili mäydan köräşendä ciñep çıqtı. Ämmä prezident bularaq anı qatlawlı miras kötä. İqtisad möşkel xäldä, korrupsiä çäçäk atqan, eşsezlek 80% çaması. Moña östäp, üzbilgelängän Abxaziä, Tönyaq Osetiä, Acarstan barın onıtmasqa kiräk. Xäyer, yäş häm professional komandası bulğan Saakaşvili bu awırlıqlarnı yırıp çığaçağın belderä. Üz säyäsäten ul Könbatışqa, Yevropağa qarap qorırğa, şul uq waqıtta Rusiä belän dä urtaq tel tabırğa wäğdä itä.
Ali Gilmi, Praga
Audio (Mixail Saakaşvili)
"Min bik dulqınlanam, minem cilkämä zur yök töşä. Läkin bez bergä bulsaq, Gruziä qotqarılaçaq, Gruziä yäşäp qalaçaq, Gruziä çäçäk ataçaq. Bez barıbız da ilebez belän ğorurlanabız, kiläçäktä bez 10 tapqır qorurraq bulaçaqbız."
Saakaşvili süzlärençä, bu saylaw näticäläre aña ildäge korrupsiägä qarşı köräş başlarğa xoquq birä. Äytkändäy, bu köräşne ul inde ber başlap qarağan ide. Yäş buluına qaramastan, ul Şevarnadze xökümätendä eşläp alğan keşe. Amerikada xoquq beleme alıp, eşläp qaytqannan soñ ul Yustitsiä ministrı itep bilgelänä. Şuşı wazifada korrupsiägä qarşı köräşä başlıy. Türälärneñ zatlı villaları töşerelgän sürätlärne xökümät utırışına alıp kilep kürsätä. Läkin prezident belän urtaq tel taba almıyça tizdän wazifasınnan kitä. Şunnan soñ opozitsiädäge üz partiäsen qora. Näticäsen inde beläsez.
Yaña prezidentnıñ wazğifağa kerü tantanası Konstitusiä nigezendä 3 atnadan, 25 ğinwarda ütäçäk. Yazmış şuqlığı digändäy, bu kön Şevarznadzenıñ tuğan köne, aña 76 tula. Äytkändäy, kiçä tawış birergä ul da kilde, häm iñ qızığı, üz tawışın Saakaşviliğa birgänen äytte. Yaña prezidentqa nindi teläklär, digän sorawğa ul, "azraq söyläsen, kübräk eşläsen", dide.
"Xäyläkär tölke" quşamatı belän yörgän Şevarnadze belep söyli, yaña prezidentnı alda awır sınawlar kötä. Berniçä cit teldä irken söyläşkän Saakaşvili mäydan köräşendä ciñep çıqtı. Ämmä prezident bularaq anı qatlawlı miras kötä. İqtisad möşkel xäldä, korrupsiä çäçäk atqan, eşsezlek 80% çaması. Moña östäp, üzbilgelängän Abxaziä, Tönyaq Osetiä, Acarstan barın onıtmasqa kiräk. Xäyer, yäş häm professional komandası bulğan Saakaşvili bu awırlıqlarnı yırıp çığaçağın belderä. Üz säyäsäten ul Könbatışqa, Yevropağa qarap qorırğa, şul uq waqıtta Rusiä belän dä urtaq tel tabırğa wäğdä itä.
Ali Gilmi, Praga