Accessibility links

шимбә, 3 декабрь 2016, Казан вакыты 12:52

Qırğızstanda da tatar telen öyränälär


Yaña yıl aldınnan Qırğızstandağı slavyan universitetı çaqıruı buyınça, tatar tele däreslären birü öçen Qazan universitetınıñ tatar tele kafedrası mödire, filologiä fännäre doktorı Fähimä xanım Xisamova Bişkäkkä barıp qayttı. Ul anda leksiälär uqıdı, fänni metodik seminarda qatnaştı. Bu seminar Qırğızstanda yäşäwçe yäş tatar ğälimnäre, uqıtuçıları häm studentları öçen oyıştırılğan ide. Fähimä Xisamova süzlärenä qarağanda, Qırğızstandağı yäş millättäşlärebez tuğan telne bik yaratıp öyränälär, milli tormışta da aktiv qatnaşalar ikän. Fähimä xanım ber atna eçendä tatar telen öyränü buyınça küp kenä däreslär ütkärgän. Däreslärdä ul uquçıları belän şiğerlär uqığan. Bigräk tä yäşlärgä Ğabdulla Tuqay äsärläre oşağan. Şulay uq alar xäzerge zaman tatar şağirläreneñ icatı belän dä tanışqannar. Fähimä xanım andağı millättäşlärebezne bik yaqın itep qaytqan.

Al'bina Zäynulla

XS
SM
MD
LG