Accessibility links

Кайнар хәбәр

Bäyälär bäyrämdä dä üsä...


Küpme genä yal itsäñ dä, barıber eşlämiçä bulmıy. İke qulına ber eş buluçılar, düşämbe könne xezmätkä kereştelär. Läkin mondıylar küpçelek tügel. Bu atnada pravoslav din totuçılarnıñ Raştua bäyräme dä bulaçaq. Dimäk, yal itü däwam itä. Ä menä bäyälär arımıy da, tuqtalıp ta tormıy, härwaqıt alğa taba sikerä. Çit ildän Rusiägä kertelä torğan inomarkalarnıñ motorında här kub santimetr öçen 2-3 yevrodan başlap, 7-15 yevroğa qädär salım tülänä. Ägär dä bu maşinalarnıñ yäşe öçtän artmasa. Yäğni, qartaya töşkän maşinalarnıñ poşlinası da tübänräk.

Yaña yılda elektr energiäseneñ här kilovatt säğäte 85 tien quyılğan. Añlaşıladır, energiä qullana torğan başqa ğämällär dä qimmätlänä. Bigräk tä, fatirlarğa kommunal' xezmät kürsätü 20-30 protsentqa qimmätlänäçäk. Rusiädä prezident saylawları aldınnan şundıy küçtänäç berkemne dä ğäcäpländermi. Bigräk tä Tatarstanda. Saylawlar aldınnan bäyäne kisken kütärep quysañ, keşelär tağın da tärtipleräk här berdämräk tawış birä.

Yaña yılnıñ berençe könendä Yevropadan Afrika omtılğan avtomobil yarışlarında Firdäwes Käbirov citäkçelegendäge KamAZ ikençe urında bara. Marokko däwläte buylap barğan etapta, berençe urında Gollandiäneñ DAF maşinası. Çexlarnıñ TATRAsı häm Braziliä ekipajı KamAZdan beraz qalışa.
XS
SM
MD
LG