Accessibility links

якшәмбе, 11 декабрь 2016, Казан вакыты 01:23

Yevropa Berlege Gruziädäge saylawlarnı xuplasa da,bu il belän tığız mönäsäbätlär urnaştırırğa aşıqmıy


Başqa xalıqara oyışmalar kebek Yevropa Berlege dä Gruziädä 4nçe ğıynuarda ütkärelgän häm Mixael Saakaşvilinı xakimiätkä kitergän saylawlarnı xuplap çıqtı. Räsmilär yarlılanğan ilgä östämä aşığıç yardäm cibäreläçäk dip äytsälär dä, alar Brüssel belän tığızraq mönäsäbätlär urnaştıru öçen Saakaşvili törkeme bik nıq eşlärgä tieş bulaçaq dip östäp quyğan.

Yevropa Berlege atna azağında Gruziädä ütkärelgän prezident saylawlarına qänäğätlelek belderde. Yevropa Komissiäseneñ tışqı mäsälälär süzçese Diego de Ojeda berlek Saakaşvili yarışta ciñüen igelekkä qullanır dip kötä dide(audio) Bez saylawlarnıñ tärtiple ütüe belän qänäğät.Kürengäneçä yaña xakimiätlär kiñ küläm yaqlana.bez yaña xakimiätlär tizlektä xökümät oyıştırır dip ömet itäbez. Bu xökümät Gruziä xalqınıñ yäşäw şartların yaxşırtu öçen bik aşığıç mäsälälärne xäl qılu sälätenä iä bulırğa tieş. Süzçe Berlek, saylawlarnıñ xalıqara standartlarğa kileşle ütüen räsmi räweştä qabul itü öçen, Yevropada iminlek vä Xezmättäşlek Oyışması küzläw missiäseneñ xisabın kötä.Berlek üz küzätüçelären Yevropa oyışmasınıñ törkemenä quşıp cibärgän ide. Yevropa Berlegeneñ isemeneñ belenüen telämägän diplomatı Radiobız xabärçesenä Brüssel atna azağındağı saylawlarnıñ, Şewernadzeneñ çitlätelüenä kitergän közge parlament saylawları belän çağıştırğanda küpkä irekleräk häm ğädelleräk ütüe belän kileşä dip beldergän. Yevropa Berlege ütkän ayda saylawlarnı yaqlaw mäqsatında Gruziägä 7million yevrolıq aşığıç azıq tölek yardäme tapşırdı. Oyeda süzlärenä qarağanda Berlek östämä yardämgä äzer.(audio) Bez BMOnıñ täräqiät programması häm Yevropa Oyışması qısalarında saylawlarnı oyıştıru öçen yardäm birdek häm saylawalarnı qarap bardıq. Bez bigräk tä kileşle waqıtta ütkäreläçäk parlament saylawları öçen dä yardäm birergä äzer. Yevropa Berlege diplomatı süzlärençä, yäkşämbe könge näticälär ,Berlekneñ yaña kürşelär belän elemtälär urnaştırunı mäqsat itep quyğan ''Kiñräk Yevropa '' programmasına Ärmänstan, Gruziä häm Äzerbaycanğa äğzalıq täqdime yasau mömkinçegen arttıra ,ämma bu qararnıñ qabul itelüe öçen atnalar yäki aylar ütäçäk häm ul simvolik politik deklaratsiä genä bulaçaq. Bu öç ilneñ berse dä älege waqıtta kiñräk yevropa programmasına keräçäk xäldä tügel. Diplomat süzlärençä, Kiñräk yevropa parogramması, qul quyuçılarnıñ Berlek qanunnarınıñ zur öleşen qabul itüen taläp itä. Älege waqıtta könyaq kafkaz illäreneñ berse dä andıy kileşüne söyläşäçäk yäki ğämälgä quyaçaq xäldä tügel. Yevropa Berlege Saakaşvili wäğdä itkän reforma programmasın centekläp tikşerep baraçaq . Nigezle yardäm birelüe bik mömkin , ämma bu reformalar , rişwätçelekkä qarşı köräş,Gruziäneñ Yevropa Berlege, Quşma Ştatları häm Russiä belän mönäsäbätlärendäge progrestan bäyle bulaçaq.

färidä xämit,praga
XS
SM
MD
LG