Accessibility links

җомга, 9 декабрь 2016, Казан вакыты 03:02

Gruziädä uzğan prezident saylawlarında xalıqnıñ 96%tı Mixail Saakaşvili öçen tawış birgän


Gruziädä yäşkämbe könne uzğan prezident saylawlarınıñ räsmi näticäläre irtägä iğlan iteler itep kötelä. Bügenge köngä tawşılarnıñ öçtän ber öleşe sanalğan xäldä alarnıñ 96%tınıñ Mixail Saakaşviliğa birelgänen äytep bula. Saakaşvili tarafdarları inde ciñüne bäyräm itä. Könbatış matbuğat çaralarına birgän äñgämäsendä, Saakaşvili, prezident wazifasına kereşkäç tä berençe çiratta "korrupsiägä qarşı qırıs qanun" äzerliäçägen belderde.

Korrupsiägä qarşı kampaniä elekke prezident Eduard Şevardnadze häm anıñ tuğannarınıñ milkenä dä qağılırğa mömkin. Saakaşvili, ber niçek tä alarğa ziyan kiterergä niäte bulmağanın belderde. Ämma qanunsız räweştä üzläşterelgän milek däwlätkä kire kire qaytarılırğa tieş bulaçaq, dide Saakaşvili. Saakaşvili Şevardnadzeğa iminlek wağdä itsä dä – yalğan yul belän üzläşterelgän mölkätne dä qaldıraçağın äytmäde.

XS
SM
MD
LG