Gruziäneñ iñ zur kürşese, Rusiä, Kavkaz artındağı ildä yaña citäkçe saylanuğa qarata älegä räsmi fikeren äytmäde. Saylaw aldı kompaniäse başında Mixail Saakaşvili Rusiägä qarata qıyu belderülär yasağan bulsa, axırğa taba şomara töşte. Ä inde yäkşämbedä, ciñep çığaçağı mäglüm bulğannan soñ, ul Rusiä belän cılı mönäsäbät urnaştırunı – töp burıçınıñ berse dip atadı. Mäskäwneñ räsmi fikere älegä yuq, Tışqı Eşlär Ministrlığı wäkile Aleksandr Yakovenko süzlärençä, bu fiker räsmi näticälär iğlan itelgäç äyteläçäk. Xärxäldä, Rusiä, Gruziäneñ, kürşeläre belän dustanä mönäsäbättä bulğan demokratik il buluın teli, dide ul. Saylaw näticäläre härkemgä mäglüm bulsa da, räsmi sannar çärşämbedä kötelä.
Gruziäneñ ikençe kürşese, Äzerbaycanğa kilgändä, räsmi Baqınıñ reaksiäse salmaq diergä bula. Prezident İlham Alievnıñ idarä wäkile Näwrüz Mamedov, ike il arasında xezmättäşlek alğa taba da uñışlı däwam iter dide. Äzerbaycannıñ Tışqı Eşlär ministrı Vilayät Kuliev Azatlıqqa birgän äñgämäsendä, Tbilisida xakimiät alışuğa bezneñ qaraş "normal", Gruziäneñ yaña xökümäte belän kiräkle mönäsäbät urnaştırırbız, ike il arasındağı normal mönäsäbätne saqlaw, häm Äzerbaycan, häm Gruziä mönfägätendä, dide:
Audio (Vilayät Kuliev)
Bu räsmi Baqı fikere, ä menä Äzerbaycannıñ opozitsiäse Tbilisida bulğan xällärgä küpkä şatlıqlı reaksiä belderä. Äzerbaycannıñ Demokratik partiä citäkçese Nuraddin Mamedli, demokratik üzgäreşlär yağınnan, Kavkaz illäre arasında Gruziä belän Ärmänstan Äzerbaycannan küpkä aldaraq bara, dide, häm Gruziädäge xällär bar Kavkazğa yoğıntı yasar, digän ömeten äytte. Äzerbaycannıñ Xalıq frontı başlığı Ali Kerimli, Gruziädäge saylaw näticälären "demokratiä ciñüwe" dip atadı.
Nixayät, Gruziäneñ tağın ber kürşese, Ärmanstanda, Saakaşvilinıñ ciñüwen bar da xuplıy: xakimiät tä, opozitsiä dä. Tışqı Eşlär Ministrlığı wäkile Hamlet Gasparian, Azatlıqqa birgän äñgämäsendä, bu ciñüdän soñ Gruziä-Ärmänstan mönäsäbätlärendä yaña çor başlana, dide. Elekke premier-ministr, xäzer opozitsiägä küçkän Vazgen Manukian, Saakaşvilinıñ ciñüwenä xuplaw belderde:
Audio (Vazgen Manukian)
"Min, Saakaşviliğa, häm dä bar Gruziä xalqına, nixayät qanuni prezidentlı häm xökümätle buluları belän qotawımnı belderäm."
Xakimiättäge koalitsiägä kergän Respublikan partiäseneñ fraksiä başlığı Galust Sahakian, Gruziäneñ möstäqillek dawlağan Abxaziä häm Könyaq Osetiä töbäklären iskä alıp bolay dide:
Audio (Galust Sahakian)
"Tbilisidağı yaña xakimiätneñ ilneñ bötenlegen tä''min itüdä mäşäqätläre bulaçaq. Bu mäsäläne alar xäl itä alırmı, älegä äytergä irtä. Läkin bez Gruziäneñ bötenlegen xuplıybız."
Şulay itep, Mixail Saakaşvilinıñ ciñüenä qarata Gruziäneñ kürşelärendä älegä qaraşlar mondıyraq: Ärmänstan xuplıy, Äzerbaycan tınıç qarıy, Rusiä närsä äytergä, dip uylana.
Ali Gilmi, Praga
Gruziäneñ ikençe kürşese, Äzerbaycanğa kilgändä, räsmi Baqınıñ reaksiäse salmaq diergä bula. Prezident İlham Alievnıñ idarä wäkile Näwrüz Mamedov, ike il arasında xezmättäşlek alğa taba da uñışlı däwam iter dide. Äzerbaycannıñ Tışqı Eşlär ministrı Vilayät Kuliev Azatlıqqa birgän äñgämäsendä, Tbilisida xakimiät alışuğa bezneñ qaraş "normal", Gruziäneñ yaña xökümäte belän kiräkle mönäsäbät urnaştırırbız, ike il arasındağı normal mönäsäbätne saqlaw, häm Äzerbaycan, häm Gruziä mönfägätendä, dide:
Audio (Vilayät Kuliev)
Bu räsmi Baqı fikere, ä menä Äzerbaycannıñ opozitsiäse Tbilisida bulğan xällärgä küpkä şatlıqlı reaksiä belderä. Äzerbaycannıñ Demokratik partiä citäkçese Nuraddin Mamedli, demokratik üzgäreşlär yağınnan, Kavkaz illäre arasında Gruziä belän Ärmänstan Äzerbaycannan küpkä aldaraq bara, dide, häm Gruziädäge xällär bar Kavkazğa yoğıntı yasar, digän ömeten äytte. Äzerbaycannıñ Xalıq frontı başlığı Ali Kerimli, Gruziädäge saylaw näticälären "demokratiä ciñüwe" dip atadı.
Nixayät, Gruziäneñ tağın ber kürşese, Ärmanstanda, Saakaşvilinıñ ciñüwen bar da xuplıy: xakimiät tä, opozitsiä dä. Tışqı Eşlär Ministrlığı wäkile Hamlet Gasparian, Azatlıqqa birgän äñgämäsendä, bu ciñüdän soñ Gruziä-Ärmänstan mönäsäbätlärendä yaña çor başlana, dide. Elekke premier-ministr, xäzer opozitsiägä küçkän Vazgen Manukian, Saakaşvilinıñ ciñüwenä xuplaw belderde:
Audio (Vazgen Manukian)
"Min, Saakaşviliğa, häm dä bar Gruziä xalqına, nixayät qanuni prezidentlı häm xökümätle buluları belän qotawımnı belderäm."
Xakimiättäge koalitsiägä kergän Respublikan partiäseneñ fraksiä başlığı Galust Sahakian, Gruziäneñ möstäqillek dawlağan Abxaziä häm Könyaq Osetiä töbäklären iskä alıp bolay dide:
Audio (Galust Sahakian)
"Tbilisidağı yaña xakimiätneñ ilneñ bötenlegen tä''min itüdä mäşäqätläre bulaçaq. Bu mäsäläne alar xäl itä alırmı, älegä äytergä irtä. Läkin bez Gruziäneñ bötenlegen xuplıybız."
Şulay itep, Mixail Saakaşvilinıñ ciñüenä qarata Gruziäneñ kürşelärendä älegä qaraşlar mondıyraq: Ärmänstan xuplıy, Äzerbaycan tınıç qarıy, Rusiä närsä äytergä, dip uylana.
Ali Gilmi, Praga