Accessibility links

Кайнар хәбәр

Waşington zolım küçäre illäreneñ qoralsızlanu turında cibärgän işarälären saqlıq belän xuplıy


Berniçä atna ara belän İran,Liviä häm xäzer T.Korea küpläp üterü qoralları mäsäläsendä xezmättäşlek itergä teläwläre turında işarälär cibärde. Qoralsızlanu mäsäläsendäge progress Ğıraq suğışı belän turıdan turı bäylängänme , bu turıda süz quyırtıp bulsa da, Bush administratsiäse bu yaña fronttan kilgän uñay xabärlärne saqlıq belän xuplap qarşı ala.

Bu arada Liviä, İran häm T.Korea küpläp üterü qoralları turındağı borçılularnı kimetü häm xalıqara cämäğätçelek belän xezmättäşlek itü turında teläk belderä başladı.Prezident Bushnıñ zolım küçäre dip atağan illärdän berse Liviä Ğıraq suğışnnan elek ük xalıqara cämäğätçelekkä yañadan quşılu telägen kürsätep, 1987-çe yılda AQŞ oçqıçın bombalauın tanıdı häm könbatış belän säyäsi , iqtisadi mönäsäbätlärne normalläşterügä cawap itep qoralsızlanuğa riza buldı.İran könbatış illäreneñ basımı astında östämä protokolğa qul quyıp BMO inpsektorlarına aldan xabär itmi reaktorların tikşerügä riza buldı. T.Korea atom programmasın tuñdıru täqdime yasap, qıyu adım atladı. Däwlät sekretarı C.Powell yaña tendensiäne xuplap(audio) Bez Liviä belän borılış noqtasında torabız. İranğa yasalğan basım näticäsendä ul östämä protokolğa qul quydı häm xalıqara cämäğätçelekneñ başqa yöklämälären ütärgä buldı. Ğıyraq inde küpläp üterü qoralları çığanağı tügel.Min Pxenyangdağı kollegalarıbız bolarnı qarap bara dip ömed itäm. Qayberäwlär bu öç ilneñ mönäsäbätlärendäge üzgäreşne Bush administratsiäse öçen ciñü dip bäyäli.AQŞ armiäseneñ eleke polkovnigı,küzläw ofitserı Kenenth Allard, Ğıraq suğışnda häläk bulğan soldatlarıbıznıñ Arlington ziratına kümelüen kürgän sayın cılım, ämma ikençe yaqtan küpläp üterü qorallarına iä 2 ilne sızıp taşladıq dip söyli.11.sintäberdän soñ administratsiä zolım küçäre dip bäyälägän illär belän küpläp üterü qoralları arasındağı bağlanış yaña ğasırda Amerika iminlegenä töp qurqınıç bulıp tora dip belderde,.Prezident Bush , Saddam Xösäin küpläp üterü qorallarına iä häm ul alarnı qayçan da bulsa AQŞ yäki berektäşlärenä qarşı qullanır digän argument Ğıraq suğışın başlattı.Saddamnı bärep töşerü älbättä İran T.Korea häm Liviä kebek illärgä Waşington iminlek mäsäläsendä bik ciddi qaraşta, yanası urınğa, xezmättäşlek itsägez yaxşıraq bulaçaq digän işarä ide .Şulay sonğı waqıyğälärne administratsiä strategieseneñ uñışı dip bäyäläwçelär bulğan kebek Pxenyang häm Tehran atlağan adımnarğa şiklänep qarawçılar da yuq tügel .Alardan berse Cato institutı analitigı Ted Galen Carpenter. (audio) Monda küz kürgännän azıraq.İranlılar uyın ğına uynıy ,Alar yevropalılar häm xalıqara Atom Agentlığı belän 90nçe yıl urtalarında T.Korea kebek yalğan xezmättäşlekkä kerä digän nıq şik bar. Carpenter qaraşınça, T.Koreanıñ sonğı täqdime çınbarlıqta anıñ 94nçe yılda Waşington belän bulğan kileşügä kire qaytu bulıp tora. Ul çaqta Pxenyang atom programmasın tuñdırğan ide. Kileşüne bozğan stalinistik däwlät äle AQŞtan iqtisad häm iminlek ölkäsendä kübräk taşlamalar sorıy.Älbättä prenik säyäsäte, suğış belän kisätü kebek şok täsire yasamasa da qorallarnı kontrol suqmağında näticälärgä alıp bara ala,bigräk tä yaqın könçığışta. İran,Süriä kebek illär ozın möddätle mänfäğätläreneñ iqtisadi täräqiättä buluın kürä. säyäsät häm bazar xalıqara xezmättäşlekkä açılsa ğına moña ireşü mömkin. Süriä prezidentı Assad ximik qoralların İzrael üz qoralların yuq itsä genä, cimerep taşlayaçaq dip beldergän ide.Saddamnıñ çitlätelüe, İran reaktorlarınıñ BMO kontrolendä buluı , bälkim dä İzraelne qoral arsenalı turında söyläşergä ,qorallarnı cäyeldermew turındağı xalıqara kileşülärgä qul quyarğa etärer.

färidä xämit,praga
XS
SM
MD
LG