Accessibility links

сишәмбе, 6 декабрь 2016, Казан вакыты 22:55

Ğiraqta 500 totqın irekkä çığarıla


Ğiraqtağı töp amerikan wäkile Paul Bremer, koalitsiä köçläre 500gä yaqın Ğiraq totqının irekkä çığaraçaq, dip belderde. Berençe 100 keşe törmädän irtägä ük çığaçaq. İrekkä çığuçılar – köç qullanudan baş tartırğa tieş bulaçaq, häm alarğa şulay uq tärtip bozmıyaçaqlarına garantiä bularaq üz mäxällälärennän berär däräcäle keşene bilgeläw – şart itep quyıla. İrekkä çığuçılar – törmägä köç qullanu säbäple elägüçelär tügel, dide Bremer.

Şulay uq Bremer Quşma Ştatlarnıñ "qulğa alınırğa tieşle" elekke Ğiraq räsmiläre isemlegendäge keşelärne tabırğa yardäm itergä telägännärgä – büläklärne iğlan itte: "Bez büläklär programmasın iğlan itäbez. İzzat İbrahim al-Dourinı qulğa alırğa yardäm itäçäk berär törle mäğlümat yäki anıñ ülgän buluı turındağı xäbär öçen 10 million dollar tüliäçäkbez. Qara isemlektäge tağın mäğlüm 12 keşe öçen berär million tülärgä cıyınabız" dide Bremer. İzzat İbrahim al-Douri – Saddam çorındağı revolyutsion şuranıñ räise urınbasarı ide, häm elekke Ğiraq citäkçese uzğan ayda tabılğannan soñ xäzer al- Douri – qara isemlekneñ başında tora.

XS
SM
MD
LG