Accessibility links

җомга, 9 декабрь 2016, Казан вакыты 10:52

Gretsiä premyer-ministrı parlament saylawların waqıtınnan alda uzdırırğa çaqıra


Gretsiä premyer-ministrı Costas Simitis üzeneñ sotsialistlar firqase başlığı wazifasınnan kitüen belderde häm waqıtınnan alda parlament saylawları uzdırırğa çaqırdı: "Yaña çor kilde, yaña çor PASOK partiäsennän – idarägä yäşlärne kiterüne taläp itä, yäşlär böten cawaplılıqnı üz öslärenä alaçaq" dide Simitis.

İldä xakimiätne tışqı eşlär ministrı George Papandreou'ğa tapşıruğa işarälär bar. Simitis parlament saylawların aldan bilgelängänçä april yä mayda tügel dä – 7nçe mart könne uzdırunı täqdim itä. Bu täqdimne äle prezident xuplarğa tieş.

Saylawlar waqıtınnan alda uzsa – avgustqa planlaştırılğan Olimpiä uyınnarına äzerlek tä tınıçraq şartlarda barır ide, digän farazlar bar. Gretsiädä saylawaldı kampaniäse waqıtında – ğadättä xökümättä eş tuqtala. Olimpiä uyınnarına äzerlekneñ iñ zur öleşen Gretsiä xökümäte başqara.

XS
SM
MD
LG