Accessibility links

якшәмбе, 4 декабрь 2016, Казан вакыты 05:00

Giraqta amerikan boralağı qazağa oçraw näticäsendä 9 keşe xäläk buldı


Bügen Giraqnıñ Fallauca şähäre yanında amerikannarnıñ Black Hawk boralağı qazağa oçraw näticäsendä andağı 9 keşeneñ barısı da xäläk bulğan. Amerikan generalı Mark Kimmitt süzlärençä, qazanıñ säbäpläre älegä mäglüm tügel dide:

Audio (Mark Kimmitt)

"UH-60 Black Hawk boralağı ğämäli oçular başqarğanda Falluca şähäre yanında qazağa oçradı. Anda 9 keşe bar ide, berse dä isän qalmağan. Qazanıñ säbäbe älegä bilgesez. Maxsus köşlär qaza bulğan urınnı saq astına aldı, tikşerü eşläre däwam itä."

Ul arada bügen amerikan xärbiläre Bagdad törmäsennän, awır cinäyät qılmağan totqınnarnı çığara başladı. Ğiraqtağı amerikan idaräse başlığı Paul Bremer süzlärençä, bügen çığarılğan 100 totqınğa östäp, aldağı berniçä atnada tağın 400 totqın çığarılaçaq.

XS
SM
MD
LG