Paqstan prezidentı Pärwäz Möşärräf, Hindstan belän bäxäsle Kaşmir mäsäläsendä ütäçäk säyläşülärdä, andağı törkemnärneñ mänfäğätläre iskä alınaçaq, dip wäğdä itte. Mäğlümät ministrı Räşit Äxmät Xan süzlärençä, ul söyläşülärgä törle törkem citäkçeläre çaqırılaçaq, häm prezident, qarar qabul iter aldınnan, alar belän kiñäş totaçaq. Şuşı atnada Möşärräf belän Hindstan premier-ministrı Atal Behari Vacpai, bu söyläşülärne başlap cibärergä kileşkän ide.
Ämmä Kaşmirdağı islamçılar, Hindstan xärbilärenä qarşı xöcümnären däwam itäçägen belderde. Hindstan xärbiläre bu töbäkneñ 3-tän-2sen kontrol itä.
