Accessibility links

сишәмбе, 6 декабрь 2016, Казан вакыты 19:11

Fatix Kärimneñ tuuına 95 yıl tula


Älbättä, yaqtaşlarıbıznıñ, zamandaşlarıbıznıñ yubileyları, bilgele ädiplärneñ istälekle dataları, milli tormışnıñ ber öleşen täşkil itä. Ğädättä alarnıñ barısı da mäğlümat çaralarında kürsätelä almıy. Şulay da, Çallıda yäşäwçe şağir, cämäğät eşlekleseneñ ictimaği häm icadi eşçänlegen iskä alğanda, zamandaşlarıbıznıñ tormışı küz aldına kilä. Comğa könne, äytik, küp kenä millättäşlärebez Penza ölkäseneñ Äläzän awılına kiläçäk. Tatar dönyasınıñ iñ zur awılı Äläzändä 10 meñ keşe yäşi. Andağı milli häm iqtisadi eşlär kürenekle citäkçe Kiäzim Deberdeyev belän bäyle. Anıñ 50 yıllığına Penzadan ğına tügel, Mordoviädän häm başqa ölkälärdän millätpärwärlär kilä. Şul uq waqıtta şimbä könne şağir Yamaş İgänäyneñ, ğalim häm tänqitçe Nil Yuzeyevneñ da tuğan könnäre. Xäzer alar arabızda bulmasa da, isemnäre xalıq küñelendä. Läkin iñ ğäziz häm milli tormışıbız öçen ähämiätle ber şäxesne dä onıtmasqa ide. Şağir häm frontovik Fatix Kärim. Ul näq 95 yıl elek, 1909nçı yılnıñ 9nçı ğinwarında Başqortstan Respublikası, Bijbulyak rayonı Ayıt awılında tuğan. “Qıñğırawlı yäşel garmun”, “Komsomolka Gölçäçäkkä xat” kebek äsärlärne, bik küp povest'lärne millättäşlärebez mäktäp yıllarınnan uq belä. Küplärgä Fatix Kärimneñ suğış aldınnan 1938-1941nçe yıllarda repressiälänep, törmädä utıruı, tup-turı törmädän çığıp, üz teläge belän frontqa kitüe häm 1945nçe yılnı häläk buluı mäğlümder. Fatix Kärim kebek talantlı häm fidaqär şäxeslär siräk oçrıy. Anı onıtmıybız. Ul kalendar'neñ här yılında, här könendä yäşärgä layıqlı.

Rimzil Wäli

XS
SM
MD
LG