Accessibility links

шимбә, 10 декабрь 2016, Казан вакыты 23:32

Säwiä Sirayewağa – 70 yäş<br>


Başqortstannıñ häm Tatarstannıñ xalıq artistkası Säwiä Sirayevağa 70 yäş tuldı. 50 yılğa yaqın icat ğömereneñ iñ küp öleşen Säwiä apa Mäcit Ğafuri isemendäge Başqort akademiä drama teatrı belän bäyläde. Distälärçä iskitkeç matur obrazlar tudırdı ul üzeneñ üzençälekle häm bik qızıqlı icat yulında. Ayıruça uyın – kölkele rollärdä üzeneñ talantın tulıraq açtı Säwiä xanım. Küp kenä tatar millätennän bulğan artistlar kebek ük, başqort teatrında eşläp anıñ äbruyın kütärügä zur öleşen kertte talantlı aqtrisa. Radío häm televideniegä bixisäp monoloğlar äzerläde, küp kenä postanovkalarda da qatnaştı Säwiä xanım. Anıñ üz şäkertläre dä baytaq qına. İxlas keşe bularaq, aña yäş artistlar härçaq üz itep qarıy, anıñ faydalı kiñäşlärenä qolaq sala.

Soñğı un yılda Säwiä Sirayıwa küptänge xıyalın çınğa aşırdı – üz millätenä xezmät itä başladı ul. Ufa «Nur» tatar däwlät drama teaterında eşli soñğı distä yılda Säwiä apa. Biredä ıcat itä başlağannan birle dä bik küp qabatlanmas matur obrazlar tudırdı, tamaşaçılarnıñ söyüen yawladı ul. Ber ük waqıtta Säwiä apa Ufadağı «Şärıq» radiosınıñ tatar häm başqort redaksialarında dä alıp baruçı bulıp eşli, anda keçkenä xikäyälär, monoloğlar uqıp radio tıñlawçılarnıñ ixlas söyüen yawladı ul.

Sirayıwanı Tatarstanda da bik yaratalar. Qazan teaterları artistları häm rejisserları belän ğömere buyı dustanä yäşäde ul. Ä inde aña Tatarstannıñ xalıq artistkası iseme birelüe anıñ ike tuğandaş respublikada da berdäy xörmätle buluına östämä dälil.

Tuğan könendä Säwiä xanım Sirayıwa teaternıñ çirattağı spektaklendä uynadı. Ä tamaşadan soñ anı «Nur» teaterı citäkçeläre häm artistları belän berlektä, başqa teaterlar wäkilläre häm tamaşaçılar da çın küñeldän matur yübileye belän täbrikläde häm istälekle büläklären tapşırdı. Yaratqan aktrisabıznıñ yübileyenä bağışlanğan icat kiçäse fevräl ayına bilgelängän.

Fänis Fätxi, Ufa.

XS
SM
MD
LG