Accessibility links

якшәмбе, 11 декабрь 2016, Казан вакыты 11:08

Gruziädä yaña parlament saylawları 28 martqa bilgelände


Gruziädä prezident wazifaların başqaruçı Nino Burjanadze, yaña parlament saylawları 28 mart könne ütäçäk, dip belderde. Gruziäneñ Yuğarı Mäxkämäse noyabr ayında uzğan saylawlarnıñ näticälären ğamäldän çığardı. Mäğlüm bulğança, tawış birüdä xärämläşü häm qanun bozu oçraqlarında ğayeplänep elekke prezident Eduard Şevardnadze urnınnan çigenergä mäcbür buldı. Waqıtlıça prezident eşen başqaruçı Burjanadze, yaña saylawlar – Gruziä tarixında yaña çor başlanuın kürsätäçäk, dip belderde: "Alda torğan saylawlar, Gruziädä – ğadelsez häm tärtipsez tawış birü çorınıñ tämamlanuına ber dälil bulır, dip ömetlänäm, Gruziädä monnan soñ barı tik yaña tör saylawlar – ğadel häm demokratik saylawlar ütäçägenä ışanam" dide Burjanadze.

Prezident itep saylanğan Mixail Saakaşvili üz eşenä 25 ğınwar könne räsmi kereşäçäk, berençe eş könennän ük ul iqtisadi reformalar başlıyaçağın iğlan itte.

Gruziä Şveytsariä räsmilärenä, Şevardnadze'ğa yaqın dairälärdäge keşelärneñ banklardağı xisapların tuñdırıp toru turında sorap, räsmi möräcäğät yullağan. Yustitsiä ministrlığınıñ matbuğat wäkile, bu adım – korrupsiägä qatnaşı buluda şiklänelgän Gruziä räsmilären tikşerü öçen eşlänä, Şevardnadzenıñ üzenä ber niçek tä qağılmıy, dip belderde.

XS
SM
MD
LG