Accessibility links

дүшәмбе, 5 декабрь 2016, Казан вакыты 23:56

Ğiraqta şiği möselmannarınıñ mäçetendä bomba şartladı: kimendä 6 keşe hälak bulğan


Bügen Ğiraqtağı Baquba şähärendä comğa namazı waqıtında şiği möselmannarınıñ mäçetendä bomba şartladı, kimendä 6 keşe hälak bulğan, distälägän keşe cärähätlär alğan dip xäbär itelä. Cirle politsiä xezmätkäre Haki İsmail Mostafa süzlärenä qarağanda, şartlatqıç mäçet yanında uramda torğan velosipedtağı gaz miçkäsenä totaştırılğan bulğan.

Ğiraq başqalasında çit il keşeläre yäşägän Burj- al-Hayat otelenä bügen raketalar atılğan, yaralanuçılar yuq dip xäbär itelä.

Uzğan töndä amerikan köçläre Säddäm Hösäinneñ tuğan şähäre Tikritta xärbi çara uzdırdı. Bügen kiçkä qadär 300gä yaqın xärbi 20 yortnı , 3 kibetne tikşerep çıqqan. Koalitsiä köçlärenä qarşı höcümnär oyıştıruğa qatnaşı buluda şiklänelep 30ğa yaqın ğiraqlı qulğa alınğan.

Kiçä Fallujah şähäre yanında ber boralaq cimerelep töşte, 9 xärbi hälak buldı. Soñıraq Quşma Ştatlarnıñ xärbi yök oçqıçına raketa eläkkäç oçqıç kire Bağdadqa utırdı, anda 63 yulçı barısı da isän-saw dip xäbär itelä.

XS
SM
MD
LG