Accessibility links

чәршәмбе, 7 декабрь 2016, Казан вакыты 23:33

Rusiä Qazaxstandağı Baikonur ğaläm kompleksın 2050nçe yılğa qadär qullana alaçaq


Bügen Rusiä prezidentı Vladimir Putin ike könlek säfärgä Qazaxstanğa kilde. Prezident Nursoltan Nazarbayev belän bulğan berençe oçraşuda uq Qazaxstandağı Baikonur ğaläm komplexın Rusiä qullanışında qaldıru waqıtın 2050nçe yılğa qadär ozaytu turında qarar qabul itelde. Xäzerge arenda waqıtı 2013 yılda betä ide, yılına Rusiä Qazaxstanğa Baikonur öçen 115 million dollar tüli.

Bügen ike prezident arasında bulğan berençe oçraşuğa Rusiä ilbaşı Putin näticä yasap, oçraşu waqıtında süz, ike yaqlı xezmättäşlekneñ barlıq ölkäläre turında bardı, dip belderde: "Xärbi, xalıqara säxnädä säyäsi xezmättäşlek, Berdäm İminlek Kileşüe, Yevraziä İqtisadi Berlege, Şanxay Xezmättäşlek Oyışması häm berdäm iqtisadi kiñlek buldıru turında söyläştek, dide Putin.

Rusiä prezidentı belän bergä Qazaxstanğa räsmi säfärgä şulay uq kürşe Orenbur ölkäse başlığı Aleksey Çernışev kilde, ölkäneñ Qazaxstan belän 1800 çaqrımlıq çik buyı bar. İtar-Tass mäğlümat agentlığı xäbärlärenä qarağanda Qazaxstan belän Orenbur ölkäse arasında säwdä 400 million dollarğa citä.

Bügen şulay uq Rusiäneñ LUKoil neft şirkäte belän Qazaxstannıñ däwlät neft häm gaz kompaniäse KazMunaiGaz arasında Kaspi diñgezeneñ Qazaxstan öleşendä xezmättäşlek turında kileşü tözelde.

Putin öçen bu yaña yılda äle çit ilgä berençe säfäre buldı, häm İtar-Tass xäbär itüençä, Mart ayında uzaçaq prezident saylawlarına qadär Putin başqa ber nindi yıraq säfärgä çıqmayaçaq.

XS
SM
MD
LG