Accessibility links

сишәмбе, 6 декабрь 2016, Казан вакыты 06:00

Tatarstan Däwlät Şurasına saylawlarğa qatnaşırğa älegä 85 nämzät teläk belderde


Tatarstan da Yaña yıl häm Raştuanı bäyräm itep beterep, eşkä kereşep bara. Xäzer kiläse bäyräm, anısı da dini bäyräm bulaçaq, Qorban ğäyete, 1 fevral’dä bulaçaq. Möselmannarnıñ iñ zur bäyrämnärneñ berse – Qorban bäyräme dä respublikada da räsmi räweştä yal köne itep bilgelände. Bu xaqta Tatarstan prezidentınıñ qararı da dönya kürde. Şuşı könnärdä isä 200gä yaqın tatarstanlı bu bäyrämne Mäkkädä ütkärü niätennän, Xacğa qılırğa soñğı äzerleklären alıp bara. Kiläse Tatarstan Däwlät Şurasında xalıq mänfäğätlären yaqlarğa teläwçelär dä xäzer äzerlek belän mäşğül. Respublikanıñ Üzäk saylaw komissiäse mäğlümatlarına qarağanda, älege köndä mart ayında ütäçäk saylawlarda qatnaşırğa 42 okrugtan 85 nämzät teläk beldergän. Alarnıñ 35e üz-üzen çığaruçılar, 23e Rusiäneñ Tormış firkäse wäkilläre, ä 27 keşene deputatlıqqa Kommunistlar firkäseneñ Tatarstan bülekçäse täqdim itkän. Şimbä könne Berdäm Rusiä firkäseneñ respublika bülekçäse qorıltay uzdıraçaq. Anda da mart ayında uzaçaq saylawlarğa äzerlek xaqında söyläşü baraçaq, qaysı okrugtan kemnär nämzät bulası xäl iteläçäk. Bu cıyılış turında tulıraq itep bez sezgä bezneñ düşämbe xäbärlärendä citkererbez.

Gölnaz İlgizär

XS
SM
MD
LG